Tura, Sept 28: Chang 5-gipa Inter Mahari Men’s Football Tournament aro 3-gipa Women’s Football Tournament-ko Sonibar salo Dakopgre, Tura-ni P. A.Sangma Football Stadium-o an•saobee ong•atangaha.
A•chik manderangni maharirangni gisepo nangrimgrikaniko ra•bagipa ru•uta somoirangoni nichaksoenggipa ia kal•susaaniko nina dingtang dingtang biaprangoni bang•a manderangan re•batokaha.
Men’s final-o, 2-0 man•e Chambugong Mahari Manda Mahariko cheaha. Me•chikrangni susaanio 1-0ko man•e Mangsang Mahari Gabil mahariko jenetene amaha.
Ia bon•kamgipa salo kal•susaanirangona 48-Selsella Constituency-ni MLA aro Meghalaya State Development Reforms Commission-ni Chairman, Arbinstone B. Marak mongsonggipa sokgipa ong•e re•baaha. Unbaksana gipin agipi dilgiparang jekai West Garo Hills-ni Deputy Commissioner Vibhor Agarwal; MDC Nathawal S. MARAK; F. Rahman, SP (Traffic); SO I/c Tura Bruno A. Sangma; Tura Municipal Board-ni Chairman J. D. Sangma aro West Garo Hills-ni DSO Saljagring Marak bak ra•angaha.
Uandake ia tournament gimikko nambake dakanggipa kal•susagiparang aro dolrangnaba boksisrangko on•anirangkoba dakangaha.
Women’s Division Awards
* Champion: Mangsang Mahari
* Runner-up: Gabil Mahari
* Player of the Final:Dodime Domanchi M. Sangma (Mangsang)
* Player of the Tournament: Norik G. Momin (Gabil)
* Top Scorer: Cheambi D. Sangma (Dio)
* Best Goalkeeper:Nokambe M. Marak (Mrong)
* Best Discipline Team:Dangsu Mahari
Men’s Division Awards
* Champion:Chambugong Mahari
* Runner-up: Manda Mahari
* Player of the Tournament: Mittilson M. Sangma (Manda)
* Player of the Final:Wensbirth K. Marak (Chambugong)
* Top Scorer:Tremarchwal Ch. Marak (Chambugong, 12 goals)
* Best Goalkeeper:Chesrang A. Sangma (Chambugong)
* Best Discipline Team:A•we Mahari
* Oldest Player: Bruce P. Marak (Bangbol)
* Best Team Management: Fioritha N. Marak
Na·simang iakoba nina man·gen:
Na·simang iakoba poraina man·gen: South Shillong-ni MLA, sak 400 mangna bate poraianio name dakgipa chatro chatrirangna laptop-rangko on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
