Shillong, Feb 4: Deputy Chief Minister aro PWD (Roads & Buildings) Minister Prestone Tynsong, mongsonggipa namroro silroroani aro rika cho·ani project-rangko ta·rakbatatna New Delhi-o dingtang dingtang chua gadango donggipa manderang baksa tom·bimonganiko ong·atangaha. Ua Shillong aro uni wilwilao donggipa defence-ni a·arangko a·dok sorkarina pakwate on·ani bidingo chanchirimaniko dakna Defence-ni Director General-ko grongangaha. Ia a·arang a·dok sorkarina mongsonggipa project-rangko a·bachengatna dakchakaniko on·e manderangni namgniko ra·bagen ine Tynsong u·iatangaha.
Una agreba ua, National Highways and Infrastructure Development Corporation Limited (NHIDCL)-ni Managing Director-ko grongenba, Barik Point-ni flyover-ko dal·batatani, Umiam-oni Malidor-ona dakanggipa ramako ta·rake tariani baksana Shillong-Dawki aro Phulbari-Agia ramarangko man·chape mongsonggipa rama project-rangni bidingoba agan-golpogrikaniko dakangaha.
Ministry of Roads Transport and Highways-ni Director General baksa uni tom·bimonganio, ua dikdiksana tarigipa dolongrangko pangkamgipa RCC dolong tariskaani aro mongsonggipa ramarang jekai Shillong-Nongstoin-Tura aro Phulabri-Rajabala-Mahendraganj-oni Mankachar-ona dakanggipa ramarangko namdapatani bidingo chanchirimaniko dakangskaaha.
Ia project-rang songre songabatanina ramarangko namdapatenba, Meghalaya a·doko songdonggipa manderangna dakchakaniko on·anggen ine Tynsong u·iatangaha.
Na·simang iakoba nina man·gen:
Na·simang iakoba poraina man·gen: Mawiong-o sakgni manderangko Heroin gnang rim•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
