26.3 C
Tura
spot_img

ULFA-ni gnigipa lieutenant Prantik Axom-ko Assam-o rim·a

Must read

Tinsukia, Nov 20: United Liberation Front of Asom(ULFA) (Independent) bobil dolni dakchakgipa skotong Dristi Rajkhowa-ni an·tangko bame on·angani adita salrang ja·man, sakgipin dolni a·gipi dilgipa — Prantik Axom-ba da·o police-ni ja·gao nange ra·aha. Army aro Assam police nangrime bobil dolni gnigipa Lieutenant-ko Tinsukia-Pengeri joloniko mijalo rim·aha ine koborrangko man·soaha.

Official-oniko koborrangko man·soani gitade, rim·a man·gipa mandeoniko ge·sa pistol, adita rong gullirang aro matnange segipa lekkarangko chelchakgipa dolrang ra·sekaha. Rim·a man·gipa Prantik Axom-an Justice-Administrative department-ni skotong dilgipa ong·achim.

ULFA bobil dolni dakchakgipa skotong Dristi Rajkhowa-ni adita salrang skang ong·katanichi bilgrianiko man·ani gisepon, da·oba sakgipin dilgipa Prantik-ko rim·a man·taianichi bobil dolna namen bilgridapaniko on·anggnok ineba ka·dongsona man·enga.

Janapjolna gita, mija November 11 tariko niksenggipa bobil dol ULFA-ni dilgipa Drishti Rajkhowa jekon Major Rabha ineba mingklaka, unbaksa sakbri 4 gipinrang Indian armed forces-ni mikkango bame on·angtokaha.

Unomitng, ULFA (I)ko re·dilenggipa Paresh Baruah-koba apsandake tom·tomanina sorkari baksa agangrikaniona re·bachina gita Assam sorkari mol·molaniko dakenga.

spot_img

More articles

spot_img
-->

Latest article