Guwahati, March 6: India-ni Vice-President C. P. Radhakrishnan, India-ni Salgro Salaram jolona uni skanggipa songrebaaniko Sukrobar salo Lumami campus-o Nagaland University-ni chang 8-gipa Convocation Ceremony-o bak ra·enba a·bachengataha.
Radhakrishnan jinmana aganprakatengon, Nagaland a·dokara samtangtango donggipa ong·telaigiparang, jatni dakbewal rikbewal aro ka·dongani gimik apsan donggipa biap ong·a ine aganangaha. India a·songo songdonggipa manderangni gisepo bang·a dingtanggrikanirang donggenchimoba, a·songo songdonggipa manderangni ku·cholsan ong·anian India-ni chong·motgipa bil ong·a ineba janapataha.
2026 bilsini February jao, ma·mong sorkari, Nagaland sorkari aro Eastern Nagaland People’s Organisation-ni gisepo three-party agreement-o soi ka·grikaniko ua rimchaksoengon, ia ku·monggrikaniko soi ka·ani jolo tom·tomani aro namdapataniko ra·bana dakchakgen ine ua ka·donganiko parakataha. Iani gisepon, Amit Shah-ni dilanio ia soi ka·grikaniko dakangaha ine aganengon, ua Nagaland Governor Ajay Kumar Bhalla aro a·dok sorkarini jotton ka·anirangna rasongko on·e aganangaha.
Ma·mong sorkari, Prime Minister Narendra Modi-ni ning·o India-ni Salgro Salaram jolo donggipa a·dokrangna dingtangmancha gisikko on·batenga ine Vice-President u·iatengon, ua Prime Minister’s Development Initiative for North East Region (PM-DevINE)-ni bidingo janapataha, jean rika cho·anirangko namdapatan baksana nambata janggi tangani cholrangko nakatatna miksonganio ong·a.
Ua chatro chatrirangko skie ra·aniko dontongjachina aro an·tangtangni changa sapaniko namdapatchina didiatan baksana drug-rangoni chel·e dongchinaba ku·pattianiko on·ataha.
North Eastern Hill University-oni dingtangatako man·e 1994 bilsio a·bachengata intaloni, Nagaland University-ko higher education-na on·gilanirangna Radhakrishnan de·mitelataha. Uni re·baani somoio ua University-o HEFA Phase II building-na pangchakanikoba songe on·angaha.
Nagaland-ni Governor Ajay Kumar Bhalla, Deputy Chief Minister T. R. Zeliang, Chancellor Samudra Gupta Kashyap, Vice-Chancellor Jagadish Kumar Patnaik baksana gipin skigiparang, chatro chatrirang aro gipin mande ra·ako man·a kragipa manderangba ia program-o dongpae bak ra·angpaaha.
Na·simang iakoba nina man·gen:
Na·simang iakoba poraina man·gen: T20 Late PA Sangma Cricket Tournament-ko ong·atenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
