Shillong, July 14: Mongolbar salo, Meghalaya AIDS Control Society (MACS), HIV/AIDS aro sexually transmitted infections (STIs)-ni bidingo manderangna u·iate on·a, sabisiko senggnang rim·a man·atna, senggnang porikka ka·e nianiko ra·dona, sana banani aro champengani bidingo jinmana u·iate on·a miksonganio, West Jaintia Hills-o donggipa Ummulong Stand, Iawmusiang aro Jowai-oni HIV/AIDS Awareness Roadshow-ko a·bachengate on·angaha.

Ia roadshow-ko, tom·aniona mongsonggipa sokgipa ong·e bakko ra·gipa Assistant Commissioner, Emelya Ch. Momin, a·bachengate on·angaha, jeon West Jaintia Hills-ni District Medical and Health Officer (DM&HO), Dr. Patricia Shylla baksana Health Department aro MACS-ni official-rangba dongpae bak ra·angpaaha.

Ia campaign-ko ong·atani miksonganiara, HIV/AIDS aro STI sabisirangni gimin jolo songdonggipa manderangna u·iataniko on·a,  sakki gnang sabisirangko champengsoani cholrangko ra·dona, nangan somoio sana bananiko ra·china manderangna didianiko on·a, voluntary HIV counselling aro Testing (HCT) baksana Meghalaya a·dok gimiko HIV-ko senggnang rim·a man·a aro somoi gita sana bananiko ra·na man·a gita tangka gri indin porikka ka·e niani cholrangko on·ani bidingo mikrakataniko on·anian ong·a.

Ia campaign-ni ning·o, National AIDS Control Programme (NACP)-ni ning·o on·enggipa namgnirangni bidingo jinmana u·iataniko dakanggen, jeon Integrated Counselling and Testing Centres (ICTCs), Anti-Retroviral Therapy (ART) Centre-rang, Link ART Centre-rang, Opioid Substitution Therapy (OST) Centre-rang baksana HIV donggipa ma·a pa-rangoniko bi·sarangona bataniko champengani cholrang (PPTCT)-ko man·chapa.

Ia campaign-ni minggipin mongsonggipa miksonganiara, kakketgipa u·iatanirangko on·e, ka·sae dakani aro uamangko changaljachina didianiko on·e aro uamangni bil aro mikkim rasongko mande ra·e ra·doaniko dake uamangni kratcha·gokani baksana HIV baksa janggi tangenggipa (PLHIV) manderangni kosako mikkang niteaniko komiatanian ong·a.

Ia campaign-ni bak gita, re·baenggipa antirango HIV-ko champengani, senggnang porikka ka·e niani aro jolni manderangna joljol sana bananiko on·a West Jaintia Hills a·ja gimiko aro gipin a·jarangoba Blackbox mobile awareness ingipa gari bolsa songreaniko dakanggen.

A·dok gimiko ia campaign-ko ong·atani miksonganiara, jinmana mikrakataniko bariatani, champengani cholrangko ja·rikchina manderangna didianiko on·a, seng·gnang HIV-ko porikka ka·e nianiko ra·doan baksana HIV/AIDS-ni bidingo ma·sie ra·na nanggiparangni gimin parake agan-golgrikanirangna chakpaaniko on·anian ong·a.

Na·simang iakoba nina man·gen: 

Na·simang iakoba poraina man·gen: JHADC-ni gital website-ko kulia

na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/ne_media_hub