Williamnagar, May 18: Williamnagar-ni Sacred Heart School sambao donggipa sigimin bol pangsa, ia skulni bi•sarangna aro rama gita re•ruraenggipa manderangnaba kenchakna nangani ong•enga ine ia bolko ta•raken den•pechina jolo songdongenggipa manderang didiattokaha.
Ia sigimin bolko ta•rake den•pee galjachimode ian je somoioba be•gitike manderangna kenchakna nangani ong•enga ineba jolo songdongenggipa manderang parakataha.
Jolo songdongenggipa manderangni u•iatani gitade, salantian ia rama gita chatro chatrirang, ma•a paarang aro ramram manderangba re•ruratokenga indiba da•alonan ia sigimin bolko den•pegija donchipaniara kenchakna nanganiko ong•atenga.
Ia bol ru•uta somoirangonin PWD Executive Engineer-ni quarter sambao sie dongenga ine janapatengon, ia bol be•e a•sel ong•na nanggenchimode sawa daiko ra•na miksongenga ine jolo songdongenggipa manderang sing•doattokaha.
Iani bidingo Hub News, Sacred Heart School-ni Principal Fr John Thomas-o sing•sandiaton, ia sigimin bolna kenchakna nangani bidingo aro ia bolko ta•raken den•pechina mol•mole uamang, nangchakegipa department-na sedoatahachim indiba da•onan maming ja•kurangko de•kujaenga ine parakataha.
Ia sigimin bol je somoioba be•ani cholrang dongaia ine nikengoba maini gimin department-ni manderang maming ja•kurangko de•jaenga ine bang•a manderangan sing•doattokaha.
Ia bolko PWD-ni manderang den•pegenma, quarter-o donggipa Executive Engineer-ma ma Forest department den•pegen ineba jolo songdongenggipa manderang sing•doataha.
Maming a•selrang ong•na skangan ia sigimin bolko ta•raken den•pechina gitaba jolo songdongenggipa manderang aro skulo poraienggipa bi•sarangni ma•a paarang didiattokaha.
Na·simang iakoba nina man·gen:
Na·simang iakoba poraina man·gen: Namroro silroroanina kam ka•anio manderangko mikkango donenga: CM
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
