Shillong, Oct 19: October-ni 14 aro 15 tarikrango Vietnam a•songo ong•atanggipa World Fitness Federation (WFF) Asia Pacific 2022-o Meghalaya a•dokni Bodybuilder Donbor Rumnong, gittamgipa biapko man•e a•dokna mikkim rasongko ra•baaha.

Mawlai-oni Donbor Rumnong, India a•songni pal, Mr Asia Pacific Pro AM-o bakko ra•angahachim.

Ia susaanio Australia aro New Zealand a•songrangko man•chape gimik dam 21 a•songrangoni gimik sak 200 manderang bakko ra•angahachim.

Donbor Rumnong, me•asarangni ‘physique’ category-o bakko ra•enba gittamgipa biapko man•aha aro ia apsan gadango skanggipa biapko Malaysia aro gnigipako Vietnam a•songrang man•rikskaaha.

Batanggimin bilsirangoba Donbor Rumnong, Kerala a•dokni Cochin songjinmao ong•atanggipa Mr & Miss India National Bodybuilding susaanio bakko ra•e, ‘Mr India 2019’ upattiko man•ahachim aro uandaken ua Vietnam a•songo ong•atanggipa susaanio a•songni pal susaena gita seokako man•aha.