Williamnagar, Sept 13: Ru·uta somoirangoni nichaksoenggipa 3-gipa Machong Football Tournament-ko Sonibar sal-o adita salna skang oprak daldale on·gimin, Williamnagar-ni skanggipa Rongrenggre-o donggipa Football Synthetic Turf-o a·bachengataha. Ia kal·susaanirangko Balsrigittim Sports Club, Simsanggre Citizens United Club baksa bakrime ong·atenga.
Skanggipa salo kal·susaaniona joltangni MLA, Cabinet Minister aro tournament-na saksamangmang tangka-paisarangchi dakchakaniko on·gipa Marcuise N. Marak, NPYF-ni National General Secretary Dabo M. Marak, Regional Planning and Development Council, Tura-ni Deputy Chairman Sengbath Marak aro bang·a sorkari-ni officialrang bak ra·angaha.
Dabo M. Marak ia kal·susaaniona re·bae bak ra·na kusi ong·beaha inenba, Mahari aro Machong football tournament-rangni dingtanggrikanirangko talate on·a baksana songni-nokni manderangni namroro-silroroanina iandakgiparangko ong·atani namgnirangko agane on·angaha.
Sengbath Marak, ia kal·susaanirangko ong·atgiparangko aro nina re·bagiparangko mitelaha, aro football kal·susaanirangara an·saoatanikosan on·aija indiba janggi tangani pilak gadangrango nangchongmotgipa bimchipanikoba on·a ineba aganangaha. A·jao iandakgipa kal·susanirangko ong·atanirangna dakchakaninaba ua biapni MLA-koba mitele aganangaha.
Mongsonggipa sokgipa ong·e jinmana parakatengon, Marcuise N. Marak Inter-Mahari Football Tournament aro Machong Football Tournament-ni dingtanggrikaniko talate on·angaha. Ua pilak bak ra·gipa dolrangko bimchipe aro kakkete kajia-golmal gri kal·susachina didiangaha.
Chra category-ni skanggipa kal·susaanio Gabil Machong, Manda Machong baksa kal·susaangaha. Krenge kal·susaani ja·mano Carrey G. Momin robolko chipe, 1-0 man·e Gabil Machong chegipa ong·angaha.
Nok Me·chik Category-o Mangsang aro Napak Machong namen kal·susaangaha. Ajerik Napak robolko chipchengaha, indiba uni ja·mano Mangsang goal dok chipe 6-1 ong·e Mangsang chegipa ong·angaha. Robolko chipgiparang Irita Mangsang (4), Dodime Mangsang (1) aro Wanriliang Mangsang (1) ong·a.
Ia bilsio Chra category-oni dol-24 aro Nok Me·chik Category-oni dol-8 bak ra·enga ine Tournament-ni convenor Elvister Marak Hub News-na parakataha. Sal-somoirangko nigrike, bon·kamgipa kal·susaaniko October 12, 2025-o ong·atanggen.
Chra category-o chegiparang lak 2 tangkarangko man·gen, aro runners-up lak 1.25 tangkarangko man·skagen. Nok Me·chik category-o chegiparang lak 1.25 tangkarangko man·gen aro runners-up ₹75,000 tangkarangko man·skagen.
Na·simang iakoba nina man·gen:
Na·simang iakoba poraina man·gen: USTM, Dr. D.D. Lapang-ko bon·kame mande ra·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
