Ri-Bhoi, Sep 13: University of Science and Technology Meghalaya (USTM), a·dokni gitcham Skotong Minister Dr. Donwa Dethwelson Lapang-ko uamangni Amenity Centre-o bon·kame mande ra·aniko dakaha. Ia kalimanio, USTM-ni sak 6000 administrative officialrang, dean, director, principal, Heads of department, faculty member, chatro chatrirang aro staff-rang tom·enba pulrangko done bi·aniko dakangaha.
Dr. D. D. Lapang, ru·uta somoirangna saaniko man·e Shillong-ni Bethany Hospitalo sanna bannaniko ra·engachim, indake ong·genchimoba rasonggribee September 12 tarik walni bako ua hospital-on janggi galaha.
USTM-ni Chancellor Mahbubul Hoque uni sianina duk man·e aganengon, ua saksa namen gisik matsramgipa ong·achim aro USTM-ni a·bachengbaanio bang·a on·gilaniko dakangaha, indake saksa niksenggipako gisik ra·kamna gita uamangni Amenity Centre-ko Dr. D.D. Lapang Block ine bimung donaha aro ua an·tangan ia blockko 2023 bilsio nokdonggaeba on·angaha ine aganaha.
Ua Meghalaya a·dokni skotong Minister ong·e Regional Institute of Science and Technology (RIST)-ko chong·motan USTM Campus-ko 2009 a·bachengate on·anio mongsonggipa bakko ra·e kam ka·angaha. Uni dilanichi rika cho·anio, lekka pora bidako on·anio aro gimikni gitan tang·dona man·aha.
Uni iandake bang·a on·gilaniko USTM pangnaba gualjawa ine Chancellor aganaha.
Na·simang iakoba nina man·gen:
Na·simang iakoba poraina man·gen: Conrad Dr. D. D. Lapang-ko mande ra·bee gisik ra·aniko daka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
