Shillong, Sept 13: Sonibar salo, a·dokni Skotong Minister Conrad K. Sangma gitcham Skotong Minister Dr. D. D. Lapang-ni sianina an·tangni duk ong·aniko parakataha aro uni Meghalaya-ni namroro-silroroanina on·gilanirangko gisik ra·ate, manderangni dilgipa aro dal·gipa mande ine janapaha.
“Ian a·doknasan ong·aija indiba anga an·tangnaba dal·bea gimaani ong·a. Ua an·chingni a·dokna, an·chingni manderangna bang·a on·gilanirangko dakaha aro angaba uni kam ka·ani somoirangoniko nirike bang·en skie ra·anirangko dakaha, aro namen didianiko man·aha,” ine ua sianggipa Dr. Lapang-ni nokni manderangna an·tangni duk ong·aniko parakataha aro iako dukko chakna nokni manderangna bilko on·china Nokgipa-o bi·aha.
Dr. Lapang-ko hospital-ona rimangna sal-10 skangmangmang Sangma uko grongrikaha aro uni gisikni matsramani aro u·ianiko nike aiao inmanaha ine aganaha.
Skotong Minister, uni pagipa Purno A. Sangma-ni 1988 bilsio Skotong Minister ong·mitingo, uni bi·sa ong·engpitio Dr. Lapangko grongaha ine aganaha. Ua Dr. Lapangni a·dokna on·gilaniko gisik ra·aha aro an·tangni kam ka·anioba uni didianiko man·aha ine aganaha.
A·dok sorkari sal-gittamna kalimaniko parakataha, aro ia somoio manianirang aro dal·dalgipa program-rangko ong·atjawa ine u·iataha.
Uandake Sombar salni 1 bajio state funeral-ko ong·atgen, aro una skang pring 10 bajio Dr Lapang-ni noko bi·aniko dakgen.
Meghalaya sorkari-na Chief Adviser-ni kamko ka·mitingo, bilsi re·anggenchimoba Dr. Lapang namen gisik nange aro on·kange kam ka·aha ine Sangma uko mitele aganaha.
Dr. Lapang dakchakani aro dilaniko on·anio namen gisik nangbegipa ong·a aro ua mongsonggipa obostarangna okame agangrikanirangko dakna aro an·tangni chanchianirangko aganna okamatrongachim ine Skotong Minister janapaha. Uandake uni ku·pattianina aro sorkari-na gamchatgipa kamrangko ka·anina Sangma uko rasong on·e aganangaha.
“Bang·a manderangan iako on·na nangani gimin kam mingsa dakesan ra·aigenchim indiba Sir an·tangni kamko namen bimchipe ka·aha. Maiba obosta ba neng·nikani donggenchimode, ua angna ka·atgenchim ba seatgenchim aro an·tangni ku·pattianirangko on·atgenchim. Ua kamtangko gisik nangen ka·achim. Anga uni pilak dilanina aro dakchakanina uko mitelbea,” ine ua agandapaha.
Na·simang iakoba nina man·gen:
Na·simang iakoba poraina man·gen: PM Modi Mizoram kror 9,000-ni projectrangko oprake on·a, Delhi-ona skanggipa Rajdhani Express-ko wata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
