Shillong, June 21: Meghalaya State Olympic Association-ni me·a aro me·chikrangna ong·atgipa 6th Shillong 10K Run 2025-o Wankyrmen L Mawphlang aro Filinza Hansepi chegipa ong·aha.
Ia katsusaaniko Polo Ground-oni a·bachengate, 4th Furlong, BK Bajoria School, PGT College, Shillong Commerce College, Shillong College, Don Bosco Square, Laitumkhrah Police Point, Laitumkhrah Police Beat House, Fire Brigade, St. Edmund’s School, Dhankheti, Malki Point, Barik Point, Civil Hospital, State Central Library, Meghalaya Secretariat, Deputy Commissioner’s Office, Governor’s House, Ward’s Lake, Chief Minister-ni nok, Polo Bazaar ia pilakko katpakange bon·kamao Polo Ground-ona katangpile matchotataha.
Iani bon·kamgipa katsusaaniko Sonibar salo ong·atangaha. Indake 10km-na katsusaanio chadamberang, a·gipbi manderang aro uandake sak ritchani ritcha manderang maming neng·nikani grian katsusaaniko dakenga.
Me·asa dolni katsusaanio Wankyrmen skanggipao cheaha, gnigipao Rangki Jonathan Patamhaw aro Rishanmehi Ryngkhlem gittamgipa biapo chegipa ong·skaaha.
Me·chik dolrangni katsusaanio Filinza skanggipa biapo cheaha, gnigipao Angelista Syiemlieh aro Inocensia Tympuin gittamgipa biapo chegipa ong·skaaha.
Indake bilsi 50-na badegipa me·asa dolrangni katsusaanio, Arvind Basaiawmoit skanggipa biapo chegipa ong·aha, gnigipa biapo Lawrence Pariong aro Dr. Mario Danny Hek gittamgipa biapko man·e cheskaaha aro apsan gadango me·chik dolni katsusaanio, Mena Mary Wahlang skanggipa biapo cheaha, gnigipao Julina Wanniang aro Smarless Marwein gittamgipa biapo chegipa ong·skaaha.
Ia katsusaanio chegiparangna, skanggipana gong 5000, gnigipa na 3000 aro gittamgipana 2000-ko boksis on·angaha.
Manderangni namnikgipa Kmoin Wahlang ia bilsio katsusaanio bak ra·jaha, indake ong·genchimoba mongsonggipa sokgipa ong·an baksa chegiparangna boksisko uni jakchi on·angskaaha.
Ia tom·anio ua jinmana aganprakengon, ia katsusaaniko ong·atgipa dolrangko mitelpilskaaniko dakangaha aro katsusagipa dolrangkoba a·songna aro a·doktangna mikkim rasongko ra·bana krenge jotton ka·angkuchina didiangaha.
Na·simang ia video-koba nina man·gen:
Na·simang iakoba poraina man·gen: Everest a·briko doanggipa Refiiness Warjriko Shillong-o mande ra·bee rimchaksoa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
