25 C
Tura

A·dokni bading-chiwalgipa sak 79-na boksisrangko on·anga

Must read

Shillong, Feb 19: A·dok sorkarini ong·atgipa PRIME Entrepreneurship Award-rangni bak gita Meghalaya a·dokoni bading-chiwale janggi tangani cholrangko dake-ka·e ra·enggipa sak 79 manderangna da·al Sukrobaro skotong songjinmao tom·aniko ong·atenba Ateliers Meghalayan age limited, Mudra loan, North East small finance bank loan aro Prime ID, ia mingbri gadangrango skotong minister Pa Conrad Sangma-ni jakchi boksisrangko on·angaha.

Iana, re·baenggipa bilsi-gni somoirango a·dokoni bading-chiwale janggi tangani cholrangko dake ra·enggiparangni kamrango dakchakaniko on·angna gita re·baenggipako bilsi-gni somoirango jakkalangna gita a·dokni skotong minister, uana PRIME Fund dake dingtangmancha dongimin tangka gong kror 125-koba parakatjolaha.

A·dokni Convention Centre-o ong·atgipa PRIME Entrepreneurship Awards-o bakko ra·giparangna aganprakengon, an·chingoni bading-chiwale cha·giparangna uamangni kamrango dakchakanirangko on·angna gita mikkang bilsi-gnirangna kingking jakkalna gita PRIME Fund dake dingtangmancha dongimin tangka-paisa gong kror 125-ko parakatna namen kusi ong·bea ine skotong minister parakataha.

“Ru·utbea bilsirangoni galchipe donbaenggipa janggi tangani minggipin a·bako silroroatna gisik on·aniko nanenggipani da·alo chu·sokahanina namen kusi ong·bea,” ineba ua agandapaha.

Apsandake, a·dokoni pilak doka-dam·anio gisiko nanggiparangni uamangni changa-sapanichi a·dokna on·gilanirangna ru·utgijan sorkari, uamangnaba boksisrangko on·angnasienga.

“A·dokni pilak dokna-damna gisiko nanggiparangnaba jaantin CM’s Music Award-ni boksisrangko on·angskagen,” ine Pa Sangma parakataha.

“An·chingoni bading-chiwalgiparang aro jakmatangchi namname tarigipa bosturangko chimonge uarangko bajar-antirangona ra·bae mesokna gita nangchongmota, jedakode an·ching ua bosturangna kragipa damrangko on·na man·gen ineba ua aganangkuaha.

An·tangtangan iandake bading-chiwale janggi tangani cholrangko dake ra·aniko nikeming chasong damberangko iana gisiko nangate dingtang dingtang a·barangoba ian giproroanggen ineba skotong minister parakataha.

Iana skang, MBMA-ni CEO, Dr. Vijay Kumar, Ateliers Programme-ni gimin adita aganangaha, jeonikon a·dokni jakmatango namen changgipa-sapgiparang bang·a namgnirangko man·tokaha.

More articles

-->
-->

Latest article