Shillong, Jylliew 08: Ka thei ialehkai phutbol jong ka Meghalaya ka samla Sanfida Nongrum ka la wanrah ia ka jingsarong ia ka jylla hadien ba ka la shah jied kum ka Most Valuable Player (MVP) jong ka SAFF Women’s Championship, hadien ba ka India ka la jop da 3-1 ia ka ri Bangladesh kaba bat ia ka nam lahduh ha ka jingiakhun phainal ha Pandit Jawaharlal Goga Nehru Stadium.
Ka samla Sanfida ka la don ka bynta kaba kongsan bha ha ka jingjop jong ka India, da kaba thep ïa ka kol kaba ar ha ka minit kaba 46.
Ka India ka la lah ban lamkhmat lyngba ka Pyari Xaxa kaba la thep ha ka minit kaba 42, katba ka Lynda Kom Serto ka la thep ia ka kol kaba lai ha ka minit kaba 82 ban pynskhem iaka India ban rah ïa ka nam lahduh.
Ka Bangladesh ka la thep tang kawei lyngba ka Ritu Porna Chakma ha ka minit (45+1).
Ka thei ïalehkai jong ka Meghalaya ka dei kawei na ki thei ïalehkai ba pawnam jong ka India ha baroh kawei ka lympung ïalehkai.
Nalor ba ka la thep kol ha ka phainal, ka la ioh ruh ban thep haka semi final bad ka la noh synñiang shibun sha ka jingïakhun kaba jop jong ka India bad ha kaba kut ka la ïoh ïa ka khusnam MVP.
Hadien ba kut ka jingialehkai bad hadien baka Sanfida ka pdiang iaka khusnam, ka thei ialehkai jong ka ri India ka Grace Dangmei, ka la pynbna ba kan shongthait noh na ka jingïalehkai phutbol.
Ka India ka pyni iaka jingtbit ialehkai naduh ba sdang ka lympung bad jop ïa baroh saw tylli ki jingïalehkai daka ba thep 18 kol bad shah thep tang shisien bad ka la khanglad ruh ïa ka Bangladesh ban ïoh khur ïa ka nam lahduh kaba lai sien lynter ha ka SAFF Women’s Championship.
Peit ruh :
Wad ia ki khubor ba dang shu jia na man ki jaka kyndong ka thain Shatei Lam Mihngi ha hubnetwork.in, ka tyllong khubor online jong phi ban lap ia man ki khubor ba dang jia, ki jingring durkhih.
Bud ruh ia ki ha ka
Twitter – twitter.com/nemediahub
Youtube channel – www.youtube.com/@NortheastMediaHub2020
Instagram – www.instagram.com/ne_media_hub
Download ia ka app jong ngi na playstore – Northeast Media Hub
 jong ka SAFF Women’s Championship, hadien ba ka India ka la jop da 3-1 ia ka ri Bangladesh kaba bat ia ka nam lahduh ha ka jingiakhun phainal ha Pandit Jawaharlal Goga Nehru Stadium.){kind=link}