Tura, December 3: A·chik Literature Societyni bilsini tom·bimonganiko December jani 2 tariko Tura Christian Girls’ Higher Secondary School noko ong·ataha.

Tom·bimonganio mongsonggipa sokgipa ong·e aganengon ICFAI University, Tura Campusni Advisor, Dr. Viola Sonachi B Sangma literary criticismni bidingo A·chikkuchi bang·en sekuna nanggni dongkuaniko agane tom·anio dongpagiparangko didiaha. A·CHIKKUO LITERARY CRITICISM ARO LITERARY THEORYKO SESKAANI ine biming done uni segimin ki·tapko tom·bimonganio Prof. Caroline R Marakni jakchi oprake on·aha.

Business Sessiono mongsongbatgipa chanchiania Garo spellingrangko nipiltaie tik ka·na nanganian ong·aha. Bibleko A·chikkuona pe·taiengon spellingrangko jakkalanio tik ong·jaengani gimin jajaaniko man·enga, aro uarangko A·chik jatni tik ka·aniko nichakroroe kam ka·enga ine Rev. W. R Marak talate aganaha.

Garo spellingrangko nipiltaiani kamko ka·na gita dingtangmancha committeeko ALSni Executive Committee songgen ine jinmani tom·bimonganio tik ka·e donaha.

Tom·bimonganio ALSni dilgiparangko 2023 bilsioni 2026 bilsiona seokgiminko jinmaan namnike jak songe ra·chakaha. Gital office bearer-rang: Prof. Caroline R Marak (President), Dr. Dokatchi Ch Marak, Dr. Colnat B Marak (Vice Presidents), Dr. Crystal Cornelious D Marak (Secretary), Dr. Rosa Mary Ch Sangma, Dr. Bilnang K Sangma (Joint Secretaries), Mukthi R Marak (Accountant), Basan R Marak (Treasurer), Prof. Fameline K Marak (Chairperson, Board of Scrutiny), Executive Committee Memberrang: Prof. Milton S Sangma, Barlind M Sangma, Dr. Angela W Ingty, Iona R Sangma, Rev. Wetterfield R Marak, Chonmei Rani T Sangma.

A·chik Ku·rang magazineko chalaina gital Editorial Boardna manderangko seokaha. Uamanga: Dr. Jacqueline R Marak (Editor & Publisher), Seming D Sangma, Sembertush A Sangma, Rev. Dr. Namseng R Marak, Prof. Nikme SC Momin, Dr. Ramona M Sangma, Christina D. Sangma.

Iakoba poraie nina man·gen: Shillong-o Water Heritage Fortnight-ko ong•ata