Dibrugarh, Jun 2: All Adivasi Students’ Association of Assam (AASAA), Assam-o songdongenggipa Adivasi manderangni bil aro jatni namgnina ku·rangko on·a, Dibrugarh-ni Chowkidinghee-o jinma asonge jegalaniko dakangaha. Jegalaniko dakmiting somoio, uamang Oraon, Munda, Santhal, Kharia aro Garh jatrangko man·chape dingtang dingtang Adivasi jatrangko Scheduled Tribe (ST) ine ra·chakchina dabianiko dakangaha. Uasan ong·aigija, AASAA dol, OBC certificate-rango “Tea Tribes” ine seani palo “Adivasi”-ko jakkalchinaba sorkariko didiataha. 2016 bilsio cha bagan-o kam ka·giparangni hajirako bariatana agre bariata dongtaikuja ine aganenba, uamangni hajirako 550-ona bariatchinaba uamang dabianiko dakataha.
Uasan ong·aigija, chasongni chasongona sorkarini agitchagipa a·arango, buringni a·arango aro jakkalgija donchipenggipa a·arango songdongbaenggipa Adivasi manderangna a·ani nokgipa ong·ani bilko on·china, cha bagan-o kam ka·aoni neng·takgimin manderangna indin sana bananirang baksana tangka gri indin gario re·rurana on·china inenba AASAA dabianiko dakenba, cha bagan-ko chalaienggiparangan iako nirokatnaba nanga ineba janapataha.
AASAA dol, jegalaniko daka jaman uamangni dabianirangko lekkao seenba, Dibrugarh-ni District Commissioner, Bikram Kairi-ni jako Skotong Minister Himanta Biswa Sarma-na on·ataha.
Na·simang ia video-koba nina man·gen:
Na·simang iakoba poraina man·gen: Police kamna porikka seao nie segipa adita manderangko mikkangchi setaina on·jawa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
