Tura, Aug 27: Budbar salo, A•chik Conscious Holistically Integrated Krima (ACHIK) dolni Foundation Day-ko maniani bak gita A•chikrangoni a•songna kamko ka•dilchenggiparangoni saksa aro A•chik matgrik Pa Sonaram R Sangma-ni chang 109-gipa siani salkoba Tura-ni District Auditorium-o gisik ra•e maniangjolaha.
Ia salko manianiara Pa Sonaram R Sangma sagini kamrangko nipilna aro ACHIK dolni jatna aro a•songna kam ka•na on•kanganiko gisik ra•atpiltaianiba ong•aha.
Ia salko manianio dingtangmancha A•chikrangoni jatna aro a•songna dingtang dingtang kamrangchi on•gilgipa manderangnaba mande ra•pilskaaniko dakangaha aro uandaken ia tom•anio, Dr JLR Marak-na uni ‘A•chik Customary Law & Administration’-ko nambee seahani gimin aro A•chikrangoni git ring•anina mingsing minggamako man•gipa Lucas Marak-naba, uni mingnambegipa gitrangchi aro uni knatobegipa ku•rangchi A•chik jatna on•gilahani gimin mande ra•pilskaaniko dakangaha.
Ia program-ko ong•atanio ACHIK dolni dilgiparang, Garo Students Union (GSU)-ni president Tengsak G Momin, Pa Sonaram R Sangma-ni nokdangni manderang aro tom•aniona okamatako man•e sokbagiparangba Pa Sonaram R Sangma-ni janggi tangani bidingo aro ACHIK dolni bidingo aganprakangtokaha.
Na·simang iakoba nina man·gen:
Na·simang iakoba poraina man·gen: Madan Jrisalein-ko namdapatna tom•e chanchirima
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
