Tura, Feb 21: Da•o Meghalaya Legislative Assembly election-na a•dokona re•bae campaign ka•enggipa dingtang dingtang political dolni dal•dalgipa manderang, election-ni ja•mande gimatokgnok ine Mongolbar salo, Meghalaya a•dokni Chief Minister Conrad K Sangma parakataha.
Sangma-ni parakatani gitade, da•o election-ni somoio gipin biaprangoni re•bae campaign ka•enggipa dingtang dingtang political dolni dilgiparangara Meghalaya a•dokni gimin ma•sigiparang ong•jae, dal•a dal•a kattarangko agantokenga indiba election-ni ja•mande ia manderang gimikan gimatokna siengahachim.
NPP is taking everyone along in its development journey & has ensured no biases even in opposition party-led constituencies
Our candidate for Rangsakona Constituency, Sh. Subir Marak will ensure the people of the constituency feel the NPP’s winds of change!
NPP for Rangsakona! pic.twitter.com/3YsFnNqJbL
— Conrad K Sangma (@SangmaConrad) February 21, 2023
Mongolbar salo, Rangsakona constituency-ni Garobadha-o NPP-ni candidate Subir Marak-na campaign ka•angengmiting somoio ua ia kattarangko aganaha.
Gipin biaprangoni re•bae a•doko campaign ka•enggipa dingtang dingtang dolni dal•dalgipa manderang election-ni ja•mande gimatokgnok indiba NPP-mangmangsa a•dokni manderang baksa ong•angkugen ineba NPP-ni national president parakataha.
A•chikkuchi TMC-ni ortoara tol•na man•gipa dol, BJP-ara so•sojengjeng ong•atgipa dol aro NPP-ara namroro silroroaniko ra•bagipa dol ine segipa whatsapp message-koba ua manderangna watataha.
A•doko tom•tomaniko aro kim•kim ong•aniko ia sorkari ra•bana man•aha ine janapatengon, ia election-o NPP-ko seokgenchimode a•doko namroro silroroaniko ra•bakuna gita cholko on•ani ong•gen ine Sangma parakataha.
Tom•a matchotani ja•mano NPP-na chakpaenggipa manderang bike rally-oba bakko ra•angtokaha.
