Agartala, Sept 21: West Tripura-ni Sadar Police Sub-Division-ni ning•o donggipa police station damgni jolrango November 4 tarikona kingking jinma tom•anirangko champengna gita District Magistrate-ni ge•etaniko Mongolbar salo, Tripura-ni High Court-ba ra•chakangaha.
Ia bilsio West Bengal-ni election-o cheani ja•man salgro salaram a•dokrangoba Trinamool Congress, biapko sandina a•bachengahachim aro uandaken ia dol, Tripura a•doko biapko ra•na gita rakbee kamrangko ka•engachim.
Indake ong•engon, batanggimin somoirango so•sojengjeng ong•anirangko nike, jinma tom•anirangko champengna gita West Tripura-ni District Magistrate aro Collector Rajib Dutta, Sombar salo ge•etaniko on•angani ja•man, Mongolbar salo Tripura-ni High Court Judge Arindham Lodh-ba ia ge•etaniko ra•chakangaha.
Batanggimin somoirango BJP aro gipin dolrang, jinma re•jomanirangko ong•atahaoba TMC dolkode jinma tom•na on•skajaengani gimin TMC-ni dilgiparang, BJP sorkariko raken jegalatahachim.
