Tura, Oct 3: All Garo Hills Multipurpose Cooperative Society Ltd-ni (AGHMPCS) bilsi bri gapaniko October 1 tariko Babadam-o maniangaha, aro bang·a memberrang aro manderang re·bae bak ra·angaha.
Ia manianiona Senior Assistant Registrar of Cooperatives, Valentina K Marak mongsonggipa sokgipa ong·e re·baaha. Manderangna dakchakaniko on·anian ia cooperative-rangko kuliani mongsonggipa miksongani ong·a inenba songsar-o dingtang dingtang neng·nikanirangko namatna ku·mong-nangrimani aro bakrime kam ka·anirangko nanga ine ua jinmana parake aganataha. Una agreba, ua award-rangko sualatanirangko dakaha, aro Krimkro Piggery Cooperative Society Best Primary Cooperative Society-ko man·angaha.
Garo Hills-o ge·e-game man·anirangko a·dokni namroro-silroroanina jakkalna ine AGHMPCS-ni miksonganiko Rev. Dr. Sunny Joseph Marvelil talate on·angaha. Re·anggipa gue man·kario, AGHMPCS aro uni Primary Society-rang 6000 metric ton ran·atgimin gue-rangko chimongaha aro palaha uandake a·dokni GST-na lak-9 ong·nasipile on·galaha ine ua parakataha. Ia bading-chiwalanirango AGHMPCS-ni chalaidilanichi jinma ku·monge kam ka·rimanichi aro bakrimanichisa ta·rakbate dal·rorona man·gen ine ua aganangaha.
Matburungrangni an·seng-baljokani aro somoi gita tikkarangko su·ani, sabisirangko champengsoani aro sanna-bananirangko dakna nangani bidingo Babadam dispensary-ko nirokenggipa Dr. Eljitha Sangma talate on·angaha. Babadam-o bilsi 1na kam ka·e, matburungrangna simsak-nirokani bidingrango namen namdapaha ine nikna man·aha ine aganaha. Rongram Block-ni ning·o nambate dakenggipa Producer Group-rangnaba ua award-rangko on·angaha.
AGHMPCS-ko kulianio Isolo pangchake a·bachengani gimin janape, Isolni songjinmana ka·sachaanichisa manderang Babadam aro uandakgipa songrangna dangdike on·na didianiko man·a ine ADHMPCS-ni Operational Manager Joash Varghese talate on·angaha.
Ia manianio Babadam aro uni wilwilao donggipa songrangni sak 400-mang manderang re·bae bak ra·angaha. Ia salo galamal dokkanko oprake on·ani, Rongram Block-ni ning·o sak 200-na bate game cha·giparangna IFAD GAP FUND-ni ning·ao cashew chara-rangko sualani, aro kari dingtangrangni me·su bitchilrangko sualanirangko dakangaha, jekon ICAR-IIHR aro NEHU-ni Department of RDAP-ni gita ra·baaha.
Na·simang iakoba nina man·gen:
Na·simang iakoba poraina man·gen: Guwahati-o wa·al kame a·sel ong·anio saksa sia, sakgittam saknaako man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
