Shillong, Nov 26: Budbar salo, Agniveer dokgipa batch-ni Attestation Parade-ko Shillong songjinmani Happy Valley-o donggipa Assam Regimental Centre-o ong•atanio Meghalaya a•dokni Chief Minister Conrad K Sangma-ba dongpae bak ra•angaha.
Ia Attestation Parade-ko ong•atanio, Indian Army-o rimnapa man•gipa gital sipairangna anti 31-na ong•atanggipa military training-koba matchotataha aro ia parade-o sak 274 Agniveer-rang aro sak 509 Territorial Army-rangko man•chape gimik sak 783 skie ra•gipa sipairang bak ra•angaha.
Ia Attestation Parade-ko ong•atanio a•dokni Chief Minister aganprakangengon, Assam Regiment-ni mingnamaniko janapangenba, ia sipai dolko 1941 bilsini June 15 tariko Shillong-o bikotaha aro ia sipairang, a•gilsak gimikni gnigipa dakgriknio, Japan a•songni sipairangko ka•dongbee warachakaha ine parakataha.
Ia training-o skie ra•e matchotahani gimin gital sipairangba da•o Assam Regiment aro Indian Army-ni mongsonggipa bak ong•paaha ineba Chief Minister, ia gital sipairangna an•tangni kusi ong•chakaniko parakangaha.
Na·simang iakoba nina man·gen:
Na·simang iakoba poraina man·gen: Health & Infra Project-rangko ta·rake matchotatchina M’laya Estimate Committee didia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
