Guwahati, June 14: Union Home Minister Amit Shah, Salgro Salaram jolni bang·bata a·dokrangan re·baenggipa bilsirangonide Armed Forces (Special Powers) Act (AFSPA)-ko nangjanaba dongaha maina jolo naljokanirang nambataha aro namroro silroroani batroroengaha ine ua aganangaha.
Ma·mong, Assam aro Nagaland sorkarini gisepo apsan to aro ong·telaigipa balwako sandienba porikka ka·e nianiko dakna dol 3-ni gisepo ku·monggrikani soiko ka·miting somoio, Salgro Salaram joloniko 80% mangni gitade AFSPA-ko ra·galman·aha ine Amit Shah tom·anio jinmana aganprakaniko dakangaha.
Ua, Assam a·dokko namroro silroroanina mongsonggipa dakmesokgipa ine toe aganengon, AFSPA jean bilsi 30-na bate Assam a·doko dongangahachim, 2022 bilsio ra·galaoni da·ode uamang Tinsukia, Charaideo aro Sivasagar-ko man·chape adita a·jarangosan dongaiaha ine janapataha.
Official-rangni aganani gitade, Salgro Salaram jolrango tom·tomanina songgigrikani, bobil dolrangni bame on·ani aro dingtang dingtang chel·chakgipa dolrangni gisepo ku·mong nangrime kam ka·anirang nambatahani a·sel naljokatanirang nambataha.
Tom·tomani aro pangkamani batroroaniara namroro silroroanina koros ka·ani, rika cho·ani project-rang aro a·doksa a·dokgipinni gisepo nangrimaniko mangrakbatatna gital cholrangko nakatatna dakchakaniko on·enga ine Shah u·iatangaha.
Assam-Nagaland-ni to aro ong·telaigipa balwako sandina ku·monggrikani soi ka·aniko namgipa dakmesokani ine ua aganengon, Salgro Salaram mikkangchi namroro silroroani baksana so·so jengjeng aro an·chi pari nikana bate tang·dororoanina gisikko on·e re·mikkanganggen ine an·tang ka·donganiko Shah parakataha.
Na·simang iakoba nina man·gen:
Na·simang iakoba poraina man·gen: Assam-Bangladesh sima ari-jolo donggipa no-man’s land-o sak 9 manderang jachange donga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
