Ampati, Feb 23: South West Garo Hills a·jao donggipa State Bank of India (SBI), Ampati branch-o gital ATM-ko Mongolbar salo oprake on·aha.
Ia gital ATM-ko South West Garo Hills a·jani Deputy Commissioner (DC) Pa Rama Krishna Chituri, SBI Regional Office-ni Assistant General Manager (AGM) Dharmananda Banai aro gipin official-rangni dongpaanio oprake on·angaha.
Ia gital ATM booth-ko Ampati branch-o a·bachengate on·anichi ua jolni wilwilao songdongenggipa manderangna namen dakchakbeani ong·gnok. Bang·a manderang an·tangtangni tangkarangko okna gita namen neng·nikaniko man·tokengachim, indiba da·ode ATM card gita manderang altubee uamangni tangka-paisarangko oke jakkalna man·tokgnok ine DC aganaha.
Indake ong·engon, altuae tangka okani ATM-ko jolni manderangni ru·uta salrangoni nisengsoe dongenggipa SBI-ni gital ATM machine-ko ra·bae on·na gita rakbee kam ka·dilgipa SBI-ni AGM, Dharmananda Banai aro gipin officialrangko South West Garo Hills a·jani DC, de·mittele aganangaha.
