Tura, Sep 8: Garo Hills a·jani dingtang dingtang bakrangoni sak 2500 mangni gita Anganwadi kam ka·giparang, Take Home Ration (THR) chong·motan bi·sarangna on·enggipa cha·aniko man·a gita Face Recognition System (FRS)-ko ra·gatahani gimin uko ra·galpilchina aro sorkarini on·enggipa gipin man·gnirangko uamangna on·china dabie Tura-ni Matchakolgre LP School-o jinma asonge jingjengatangaha.
Jingjengatenggipa dolni aganani gitade, ia FRS-ko ra·gataniara ning·tugipa biaprango jeon internet connectivity-rang namjachim, iandakgipa biaprango dongenggipa kangal cholgri nokdangni b·sarangna uamangni cha·aniko ra·anio neng·nikaniko man·enga ine nikna man·a.
Ia technical aro biometric system-ni a·selo bi·sarangni man·gni cha·anirangko champengjachina ineba uamang dabiangaha.
Ia obostarangko ta·raken nirokatchina mol·mole uamang Skotong Minister Conrad K Sangma aro Member of Parliament Saleng A Sangma-na memorandum-koba on·anggen ineba uamang parakataha.
Ia FRS-ko ra·galchina dabian baksa, gipin nanganirang jekai, Take Home Ration (THR)-ko dondikatskae ding·a ding·a song·e on·a man·gipa cha·ani aro be·enna namgipa ran·atgimin cha·anirangko on·skachin, 2022 bilsini April jao Supreme Court-oni rai on·gimin gita uamangko Full-time Worker-na ra·chakchina, sorkarini gipin employee-rangni man·enggipa Dearness Allowance (DA), gratuity, pension aro Provident Fund (PF)-ko on·china, uamangni kamoni neng·takani somoio gong 10,000 pension scheme-ko on·china, chu·onga gita bi·sarang donggipa songjinma aro songadamrango gital Anganwadi centre-rangko songe on·china, ding·karini somoio jasani Summer vacation-ko on·china aro tablet (Tab)-rangko Anganwadi kam ka·giparangna on·chinaba uamang dabiangaha.
Na·simang iakoba nina man·gen:
Na·simang iakoba poraina man·gen: Reservation Policy-ni bidingo tik ka·aniko dakna skang M’laya sorkari somoiko ra·anggen
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
