Guwahati, April 24: Ong•gija kamrangko ka•ani gimin matnanganina National Indian Youth Congress (IYC)-ni president Srinivas BV, politics-o nangatna jotton ka•skaenga ine Sombar salo, ra•galako man•gipa Assam Youth Congress (AYC)-ni president Angkita Dutta parakataha.
Iani bidingo kobor ra•timgiparangna talataniko on•angengon, IYC-ni president Srinivas BV, saksa me•chikko kragija dake kal•akna jotton ka•ahani giminsa uni kosako ua badi ka•doahachim indiba ua ia case-ko politics-o nangatna jotton ka•skaenga aro ian namen kragijani ong•a ine Angkita Dutta parakataha.
Ua maming ong•gija kamrangko ka•jaha ong•ode maini gimin CID-ni okamato ua mikkangpagija ia obostako politics-o nangatna jotton ka•enga ineba Dutta, IYC-ni president Srinivas BV-ko sing•doangaha.
Da•o dipet ua gipin dolrango napkujawa aro kakket bichalna sengkugen ineba ra•galako man•gipa AYC-ni president Dutta parakataha.
Doltangni kosako kamrangko ka•enga ine matnangenba, Angkita Dutta-ko All India Congress Committee (AICC), re•anggipa Sonibar salo, Congress-ni membor ong•aoniko ra•galatahachim ine nikna man•a.
Batanggimin jadokmangna uko kragija dakna jotton ka•aha ine matnangenba, IYC-ni president Srinivas BV-ni kosako Angkita Dutta-ni Dispur police station-o badi ka•doangani ja•man, May 2 tarik pring 11:00 bajina skangan mikkangpaechina gita Assam Police, Srinavas-na u•iataniko on•atahachim.
Iakoba poraie nina man·gen: Indian Army, Shillong-oni 101 Area-ni bilsi 60 gapaniko gisik ra·na, Diamond Jubilee-ko maniangna
