29.2 C
Tura
spot_img

Antiprakon ma•gipa sak 5 aro bi•sa sak 30-na baten M’laya-o siangenga: CM

Must read

Shillong, Jan 22: Meghalaya a•doko an•o donggipa me•chikrang aro atchidaldal bi•sarangni sianirangko komiatna man•kujaengon, mikkang bilsirangode Meghalaya a•doko ma•gipa aro bi•sa sakantiko naljokatanian a•dok sorkari mongsonggipa daito ong•gnok ine a•dokni Chief Minister Conrad K Sangma parakataha.

Bristibar salo, Meghalaya a•dokni bilsi 49 gapaniko manianio jinmana aganprakangengon, Meghalaya a•doko komibeoba ma•gipa sakbonga aro bi•sa sak 30-na baten dingtang dingtang a•selrangchi antiprakan siangrongenga ine Sangma parakataha.

“Dingtang dingtang a•selrangni gimin antiprakon an•ching ma•gipa sakbongakode gimaatna nangenga. Apsan daken dingtang dingtang a•selrangchi antiprakon sak 30-na baten bi•sarangba siangrongenga. Iako an•ching dingtangatna nangenga,” ine Chief Minister aganaha.

Iandakgipa obostako a•doko dingtangatna nangengaha ine janapatengon, iani bidingo a•dok sorkari bang•a program-rangko che•em che•em dake a•bachengataha ine Chief Minister parakataha.

“An•o donggipa aro atchidaldal bi•sa sakantikon chinga name nirokna a•bachengengaha,” ineba Chief Minister aganaha.

An•o donggipa ma•giparangni aro atchidaldal bi•sarangni sianiko komiatna gita sorkari ja•kurangko de•enga indiba dingtanganiko nikna gitade ia kamko ka•anio nokdang ge•anti aro songsalantiba bakrimaniko on•na nanggen ine Chief Minister aganaha.
Bi•sarangna seng•gnang bida budi on•ani program-ko a•bachengatna gita Meghalaya a•dokan a•songo skanggipa a•dok ong•aha ineba Chief Minister parakataha.

“Ia program-ko a•bachengatna gita chinga hisapenba ia bilsini gisepon gong kror 10 tangkarangko chamatmanaha aro childhood education centre-na a•dokni dingtang dingtang ICDS centre-rangko seokmanaha,” ine Chief Minister aganaha.

Re•baenggipa 2022 bilsio Meghalaya a•dok bilsi 50 gapaniko manina siengahani gimin a•dok sorkari dingtang dingtang program-rangko tarisoengaha ineba ia tom•anio a•dokni Chief Minister jinmana parakataha.

spot_img

More articles

spot_img
-->

Latest article