Dibrugarh, March 28: Sonibaro, Arunachal Pradesh-ni Anjaw a·jani ning·o Kibithu circle-ni Yakung minggipa songni a·kuang damsao gari bolsa ga·akonangenba sakbri manderang janggi galaha aro sakgittam manderang saknaako man·aha. Sianggipa sakbri manderangoni saksade bi·sasan bilsi brini bi·sasa ong·engpitichim.
Koborrangko man·soani gitade, ia obosta salni 1 bajimango ong·aha. Guri mitmatani kosako mikka wasisiani a·sel ramarangko nikjae ia a·sel ong·aniona sokaha ine u·ina man·aha. Gariko salgipa a·briarigipa biapo namedake salna amjae, uamangni re·anggipa Tata Yodha gari ramaoni tang·sotangaha aro soroksamo donggipa a·kuangona ga·akonangaha.
Ua gario salenggipa mande baksa saksni manderang gnangchim, aro gari salgipaan garini nokgipaba ong·achim.
Sianggiparangoni sakgittamde nokdang ge·saonin ong·a ine official-rang parakataha. Biap diltugipa aro ga·nanggijagipa ong·ani gimin, ia a·sel ong·ani bidingo ua biapni district administration salgipino pringosa kobor man·aha aro uni ja·manosa a·selo ga·akgipa manderangko am·sandianiko a·bachengataha.
Saknaa man·giparangko sanna-bananiko dakna ja·mano sepangjolo donggipa Lohit a·jani Tezu Zonal Hospital-ona rimangaha.
Na·simang iakoba nina man·gen:
Na·simang iakoba poraina man·gen: Assam, Jorhat-ni kenta menta chimonggipa dokano bretanichi bang·a manderang mata buako man·an baksana skagni sia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
