Guwahati, Jul 13: Sombar pringni bako, jimbee mikkarang waani a·sel Arunachal Pradesh-ni Kurung Kumey a·jao donggipa gilja nokko man·pakangaha aro bang·a dolongrangan nosto ong·atako man·aha.
Ia jimbee mikkarang waanio mongsongbate Kurung Kumey, Kamle aro Pakke Keseng a·jao nangchakeako man·aha. Kumey chibimani ditdoani a·sel ua jolo donggipa songrango chi mripaha aro bang·a nok kaprangko nosto ong·ataha.
Parsi Parlo-o donggipa St. Thomas Church-ni gilja nokkoba ta·rakgipa chichi man·pakangako man·aha.
Ua jolo donggipa Baptist gilja nokba nosto ong·atako man·aha aro unbaksana Parsi Parlo-o donggipa Inspection Bungalow-oba chi ban re·aha. Una agreba, uano donggipa te·gni nokrangba aditan nosto ong·atako man·aha. Huri-oni Damon aro Pagam songona-ona kabatgipa dolongba nosto ong·atako man·aha aro bang·a rama sorokrang ba namen nosto ong·atako man·aha.
A·jani Administration, a·selo ga·akgipa manderangko naljokatna nirokjringchina Police, Para-military aro gipin dolrangko nirok simsakchina u·iataha.
Official-rangni aganani gitade, Arunachal Pradesh-o apsan dake a·sel ong·ani changgittam mangni gita ong·engaha. Ia chi ban re·anio ITBP camp-ona re·ruraenggipa rama sorokrangba nosto ong·atako man·aha.
Na·simang iakoba nina man·gen:
Na·simang iakoba poraina man·gen: Mahendraganj-ni MLA, a·a ruanichi nangchakea man·gipa Balughat songona re·ange nia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
