Tura, Oct 19: October 19 tariko 2nd Battalion a•songna chel•chakanio janggitangko gimaatgiparangko gisik ra•ani bak gita, Pring 6 bajioni Marathon katsusaaniko ong•atangaha.

Marathon katsusaanio bang•a chadamberangan bak ra•angtokaha. A•dokni DIG WR Pa Subba C.V.S Reddy mongsonggipa sokgipa ong•aha aro Commandant Pa B. A Sangma MPS baksa dingtang dingtangni sipairangba dongpaaha.

Marathon katsusaanio, Skanggipa biapko Te Batsrang A Sangma man•aha. Gnigipa biapko Te Matsrang A Sangma aro gittamgipa biapo Te Witnar A Sangma chegipa ong•aha.
Me•chik katsusagiparangoni Tra Tulsi Momin aro Rikmatchi Momin-ba Marathon-ko matchote katahani gimin boksisrangko on•aha.

Katsusaanio chegiparangna Trophy, Certificate aro tangkako boksis dake on•aha.