26.3 C
Tura
spot_img

East Khasi Hills-o Aspire Meghalaya-ni susaanirangko ong•ata

Must read

Shillong, Oct 19: Aspire Meghalaya-ni ning•o re•anggipa October 6 tarikoni a•bachenge October aro November jagnina Meghalaya a•dokni pilak a•jarangon dingtang dingtang susaanirangko ong•atengon, East Khasi Hills a•jaoba Budbar salo ia susaani program-ko Shillong songjinmani U Soso Tham Auditorium-o ong•atangaha aro ia susaanio dambonga campus-rangoni sak 26 chadamberang, an•tangtangni changa sapanirang baksa susaangaha.

Ia susaanio bak ra•gipa sak 26 chadamberangoni nambatgipa sakgittam chadamberang seokako man•aha aro uamangara, skanggipa, chroksusaanio bakko ra•gipa Shillong St Mary’s Higher Secondary School-ni Afshana Nongkynrih, gnigipao doka dam•anio bakko ra•gipa Pynursla St Anthony’s Higher Secondary School-ni Elanstar Mawiong aro gittamgipao git ring•susaanio bakko ra•gipa Shillong Commerce College-ni Ashish Paul ong•a.

Ia program-ko ong•atanio East Khasi Hills a•jao donggipa Aspire Meghalaya-ni dam 103 campus-rangna, Meghalaya Youth Survey 2022 aro Soft Skills Training program-rango bakko ra•ahani gimin dingtangmancha, a•dokni Chief Minister Conrad K Sangma-ni jakchi mande ra•pilskaanikoba dakangjolaha.

Ia program-ko ong•atanio a•dokni Chief Minister, jinmana aganprakangengon, Aspire Meghalaya program-ko ra•gatanichi a•dokni chadamberang, jakni kamrangko skie ra•na cholrangko man•asan ong•aigija an•tangtangni changa sapanirangkoba mesokna cholrangko man•enga ine janapatenba, adita jarangna skangsan Union Education Minister-ni Meghalaya a•dokona re•baani somoio Aspire Meghalaya-ko a•song gimiknan dakmesokgipa program ong•china gita Aspire Meghalaya-ni dolko Gujarat a•doko ong•atanggipa All Education Ministers’ Conference-o dakmesokna gita okamataha ine parakataha.

Da•o bilsi 10-ni gisepo Meghalaya a•dokkoba nambatsranggipa dam 10 a•dokrangoni damsa ong•atna sikenga ong•ode a•doko game ge•e cha•giparang, me•chikrang aro chadamberangkon tang•doatchengna nanggen ineba Chief Minister aganaha.

Ia program-ko ong•atanio dingtang dingtang skulni chatro chatrirangba Chief Minister baksa agangrikna cholrangko man•aha aro an•tangtangni ma•sina nanganirangko uo sing•sandie ra•na man•aha.

Da•o dipet Aspire Meghalaya program-ni ning•o susaanirangko gimik damchet a•jarang, chong•motan Eastern West Khasi Hills, North Garo Hills, West Khasi Hills, West Jaintia Hills, South West Garo Hills, East Garo Hills, South Garo Hills aro East Khasi Hills a•jarango ong•atna man•aha aro ia a•ja damprakonikon nambatgipa sakgittam chadamberangko seokengani gimin gimik sak 24 changgipa sapgipa chadamberangko seokna man•aha.

spot_img

More articles

spot_img
-->

Latest article