Guwahati, July 11 : Assam a·doko tol·gipa doctor-rangko bon·atna kamrangko ka·anio, batanggimin konta 72-ni gisepo manderangni janggina kenchakaniko ra·baanina aro manderangni ka·donganiko pe·anina sak 4 doctor ine dakmikgipa manderangko rim·aha.
Anti-Quackery aro Assam sorkarini Vigilance Officer, Dr. Abhijit Neog-ni FIR segata jaman, mongolbar salo Nagaon-oniko sakgni manderangko chong·motan, Juria-oniko Bimal Sutradhar aro Seconee Tea Estate-oniko Pankaj Das-ko rim·aha. Indake, Budbar salo, Ak Gogoi aro Amarjyoti Nath maang sakgniko Jorhat-oniko rim·skaaha.
Doboka-ni Hojai a·jaoni doctor ine tol·gipa saksako rim·na man·kujaengon, am·sandianirangko dakengkua.
Ia rim·a man·gipa manderangko, cha·bokani, manderangni ka·donganiko pe·ani aro manderangni naljokaniko kengniona ra·baanina matnangenba, Bharatiya Nyaya Sanhita (BNS) ingipa gital niam aro National Medical Commission (NMC) Act, 2019-ni ning·o case-ko segataha.
Re·anggipa 2025 bilsini January jao ia Anti-Quackery aro Vigilance Cell-ko a·bachengatchengaoni doctor ine tol·gipa sak 10-ko rim·aha, jeoni sak 1-de kate dongenga aro ge 2-ni case-rangkode am·sandianiko dakengkua.
Iandakgipa bang·a doctor-rangan MBBS certificate-rang ba ra·chakaniko man·gijagipa medical college-rangoniko Medical degree-rangko man·gipa ong·a aro uamang Nagaon, Hojai aro Jorhat a·jarango kam ka·engachim ine authority-rang nikna gita man·aha.
Na·simang ia video-koba nina man·gen:
Na·simang iakoba poraina man·gen: Congress-ni dilgipa Gaurav Gogoi, Barak Valley-o man·enggipa neng·nikanirangko niatpachina PM-na lekka sedoa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
