Guwahati, Nov 23: Assam Accord-ko chu·sokatna gita Biplab Kumar Sarma Committee-ni ku·pattie on·gipa kamrangni bidingo All Assam Students Union (AASU), Sonibar salo, Assam sorkari baksa Dispur-ni Lok Sewa Bhawan-o tom·e chanchirimangaha.
Assam sorkari baksa tom·e agangrikani ja·man kobor ra·timgiparangna talataniko on·angengon, Assam Accord-ni ning·o ming 52 kamrangko chu·sokatna gita agan-ku·pattie on·anirang donga aro ia ming 52-oni ming 40-de Assam sorkarini ning·o ong·a aro ming 12-de ma·mong baksana a·dok sorkarirangni nangrime chu·sokatna nanggipa kamrang ong·ani gimin ia ming 52 kamrangko chu·sokatani bidingo sorkari baksa chanchirimangaha ine AASU-ni president Utpal Sharma parakataha.
Assam Accord-ni ning·o ming 52 ku·pattie on·anirangko chu·sokatanio kamrangko nirokna gita Cabinet sub-committee-ko Assam a·doko songchina didiaha ineba Sharma aganaha.
AASU-ni ku·pattianirangko Assam-ni Chief Minister ra·chakaha aro committee-ko bakan songna gita ku·rachakaniko on·ataha ineba ua aganaha.
AASU president-ni parakatani gitade, Assam Accord-ni bidingo ma·mong sorkari, Assam sorkari aro AASU dolgittam chanchirimna gita ku·pattianiko on·angon, iani bidingo ma·mong sorkari baksa agangrikna Chief Minister ku·rachakaha.
Na·simang iakoba nina man·gen:
Na·simang iakoba poraina man·gen: Chang 10-gipa Bilgaro car rally-ko matchotata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
