Tura, Nov 23: Salgittamna Tura Motor Sports Club (TMSC)-ni ong·atanggipa Bilgaro-X 2025-ko Sonibar salo, dingtangmancha North East Championship Finals 2024-2025-ko ong·atjolenba, Tura Walbakgre-o donggipa Green Haven-o matchotataha.
Ia chang 10-gipa Bilgaro car rally-ko matchotatna gita program-ko ong·atanio, Mahendraganj-ni MLA Sanjay A Sangma, mongsonggipa sokgipa ong·e bak ra·angaha aro unbaksana Babelapara-ni MDC Rakesh Sangma-ba bak ra·angaha.
Program-ko a·bachengatanio, TMSC-ni president Grahambell A Sangma, rimchaksoani kattarangko aganangenba, ia chang 10-gipa Bilgaro car rally-ko nambee chu·sokatna man·ahani gimin ia rally-o bak ra·giparangko, official-rangko, ia car rally-na on·gilgiparangko aro gipinrangkoba mittelpilangaha.
Ia Bilgaro-X car rally-ko Car, SUV aro Rookie category-rango ong·ataha aro Car category-o chegiparanga, skanggipao Ronan Bazely, gnigipao Ryan Silkam Sangma aro gittamgipao David Rhakho ong·a. SUV category-o chegiparanga, skanggipao Ryan Silkam Sangma, gnigipao Isaac William Momin aro gittamgipao Kamlesh Das. Rookie category-o chegiparanga, skanggipao Pynbiang Sympli, gnigipao Grover A Sangma aro gittamgipao Attamra A Sangma ong·skaa.
Ia Bilgaro-X car rally-ko ong·atanio, North East Championship 2024-2025-koba ong·atjolaha aro iano Kamlesh Das, SUV aro Car category minggnion chegipa ong·aha.
Na·simang iakoba nina man·gen:
Na·simang iakoba poraina man·gen: Internet gita ong·gija dakaniko warachakna nangenga ine M’laya HC Judge agana
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
