Guwahati, May 25: Sombar salo, Uniform Civil Code (UCC) Bill-ni bidingo chanchirimna gita Assam Legislative Assembly-ona ra•baani ja•man, BJP, Congress, Raijor Dal aro AIDUF-ni gisepo ding•chaogrike jera ra•anirangko nikangna man•aha.
Ia UCC Bill, Assam 2026-ko da•o ong•atenggipa Assam Assembly-ni Session-ona Chief Minister Himanta Biswa Sarma-ni pal Assam sorkari ra•baaha aro ia Bill-ni bidingo dingtang dingtang dolni dilgiparang, bilaken jera ra•grikaniko dakangaha.
Ia UCC Bill-ko BJP-ni MLA Sushanta Buragohain, ra•chakna kusi ong•aniko parakangengon, ia Bill-ara, pilak jatrangkon apsan niamni ning•o ong•atna man•gen aro me•chikrangna on•gimin bilrangkoba mangrakbatatna man•gen ine aganaha.
Ia Bill-ko Congress MLA Baby Begum, raken jegalangskaengon, opposition party-rangni aro chonchongipa jatrangni nangnikanirangko sorkari, nichanggalenga ine matnangataha.
UCC Bill-ko jegalengani gimin talataniko on•angengon, pilak jatrangan an•tangtangni torom aro daka rikanirangko ja•rika indiba UCC Bill-ko pass ka•e niam tariahaode, pilak jatrangan apsan torom aro niamrangko ja•rikna nangao ga•akgnok ine Congress MLA aganaha.
Ia UCC Bill-ko Raijor Dal-ni MLA Akhil Gogoi-ba raken jegalangaha aro ian Chief Minister Himanta Biswa Sarma-ni kamrangko mangrakbatatna ja•ku de•anisa ong•enga ine matnangataha.
AIDUF-ni MLA Muzibur Rahman-ba ia UCC Bill-ko jegalatengon, ian Muslim-rangni kosako ja•ku de•anisa ong•enga ine matnangataha. Jikgipa saksana bate ra•aniko champengna niamrang dongsomanahani gimin UCC gita dakgipa niamko ra•gatna nangani katta dongjaha ineba Rahman aganaha.
UCC Bill-ni bidingo chanchirime somoirangko bon•atana bate petrol aro dingtang dingtang bosturangni dam rakbatroroengani a•sel manderangni neng•nikanirangko namatani giminsa chanchirimna nangenga ineba AIDUF MLA aganaha.
Uttarakhand aro Gujarat a•dokrango UCC-ko ra•gatangani ja•man Assam a•dokoba ia niamko ra•gatna gita BJP-chi dilenggipa Assam sorkari, jotton ka•engachim ine nikna man•a.
Na·simang iakoba nina man·gen:
Na·simang iakoba poraina man·gen: AASU-ni dilgipako man·chape inter-state terror funding case-o bak dongpagipa sak 5 manderangko Assam-oniko rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
