Guwahati, Jan 11: Robibar pringo, Assam-ni Cachar a·jani Borkhola-o bagan dakgipa biapo Bangladesh-oni ine chanchichipgipa dal·begipa gas balloon-ko man·anina ua jolo songdonggipa manderang kenjagoktokaha.
Ia balloon-ko Borkhola-ni ning·o donggipa Masimpur-ni Subedarbasti joloniko man·aha aro uni nikronggijagipa bimangrangko nike manderang kenanian gapaha. Ia balloon bagan-ona ka·sine tang·onbaaha, aro manderang ua baoni aro maini a·sel re·baaha u·ijae kenani aro jajaani gapaha.
Uandake songni manderang Village Defence Party-na (VDP) kobor on·ataha aro uamang police-rangna u·iatskaha. Police dolrang, aro Cachar Senior Superintendent of Police Partha Pratim Das gong·raken ua biapona sokbaaha.
Uamang ua biapona sokeon, bang·a manderangan chimongsoaha, aro songdonggiparang jajrenganirang baksa an·tangtangni chanchichipanirangko parakataha. Am·sandianirangko dake nichengon, ia balloon-o Bangladesh-ni Sylhet a·jao donggipa skulni bimung aro chin baksana sakgittam manderangni noksarang aro Bengali oikor-chi segiminrangko nikaha.
Ia balloon-o segimin skulni bimungara Ghilachhara Dwimuki High School, Sylhet, ong·a, aro badiaba social media post-rango janapani gitade re·anggimin adita salrangni gisepo ia skul uni bilsi 65 ong·aniko maniangaha.
Ia balloon Bangladesh-oni ong·a ine nikani ja·mano songdonggipa manderang kenjagoktokaha ine Masimpur-ni VDP Secretary Suman Das aganangaha. “Uamang ia balloon-ko niechina angko okamataha. Anga gong·raken police-na u·iataha, aro SP-ni mikkango, ia balloon-ko police-rang ra·angaha. Ia balloon-o Bengali oikorchi seanirang aro sakgittam manderangni noksarang donga.
Uandake, police-rang ia balloon-ko ra·enba, sima ari gita batsote ua jolo ga·akeani aro kengnirang donga-donggijani bidingo am·sandianirangko dakna a·bachengaha.
Na·simang iakoba nina man·gen:
Na·simang iakoba poraina man·gen: Assam Don Bosco University India-ni Salgro Salaram-ni skanggipa satellite-ko watatnasia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
