Guwahati, Apr 1: Re•baenggipa April 9 tariko ong•atenggipa Assam Legislative Assembly election-na Budbar saloni Prime Minister Narendra Modi, Bharatiya Janata Party (BJP)-ni candidate-rangna campaign ka•na a•bachengataha.
Assam a•dokni Dhemaji a•jao donggipa Gogamukh-o election rally-ko ong•atanio ua jinmana aganprakangengon, 2014 bilsini election-na skang Congress dolchi dilanggipa gitcham ma•mong sorkari, an•tangtangni vote bank-ko kusi ong•atna gita Communal Violence Law-ko ra•gatna jotton ka•ahachim indiba ia Bill-ara, jat basegipasa ong•ani gimin ia Bill-ko BJP-NDA pass ka•na on•jaha ine aganenba, da•o bilsi 12-ni ja•man Assam-o Congress dol, ia apsan niamkon parakattaiengaha ine matnangataha.
Assam-o ra•gatgipa Uniform Civil Code-ni gimin janapatengon, me•chikrangni mikkim rasongko rakkian baksana me•chikrangna naljokaniko on•na aro me•chikrangni bilrangko chel•chakna BJP, dingtang dingtang kamrangko a•bachengataha ine PM Modi parakataha.
Ia election-ara, tang•dogimin India a•songna niksamsoaniko tarina sienggipa election ong•enga ine janapatengon, ia changoba BJP, Assam-o sorkariko rikpiltaigen aro ia election-ko Viksit Bharat ong•atgen ine PM Modi aganaha.
Assam Assembly election-na BJP-ni ku•rachakgipa kamrangni gimin talataniko on•angskaengon, Assam a•doko lak 15-na baten nokdangrang, Pradhan Mantri Awas Yojana (PMAY)-ni namgnirangko man•gen aro pucca nokrangko man•kugijagipa nokdang ge•antian ia chango nokrangko man•tokgnok ine Prime Minister aganaha.
Kangal cholgri nokdangrangna BJP sorkari, Class KG-oni Post Graduate-ona kingking indin lekka porako on•gen ineba PM Modi aganaha.
Batanggimin bilsi 69-ni gisepo Congress dol, Assam-ni Brahmaputra chibimao dolong damgittamkosan rikaiaha ine janapatengon, BJP sorkaride bilsi 10-ni gisepon Brahmaputra chibimao dambonga dal•dalgipa dolongrangko rikna man•aha ine PM Modi aganaha.
Assam-o game ge•e cha•gipa lak 11 manderang, PM Kisan-ni namgnirangko man•aha indiba BJP sorkari, chi bananichi manderangni man•enggipa neng•nikanirangkoba namatna nangnikenga ineba ua aganaha.
Skangode Assam a•dokko boma gopretanirangnasa mingsing minggamachim indiba da•ode namroro silroroaninasa mingsing minggamskaengaha ineba PM Modi aganaha.
Assam-ko skangode cha baganrangni giminsan mingsingaiachim indiba da•ode India a•songo tarigipa Semi conductor chip-rangnaba mingsinggnok ineba ua aganaha.
Na·simang iakoba nina man·gen:
Na·simang iakoba poraina man·gen: Chokpot jolo rama-jal·angrang dongjani bidingo GSU sing·doanirangko daka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
