Shillong, Apr 1: Budbar salo, Meghalaya IT Awards 2026-ko Shillong songjinmani U Soso Tham Auditorium-o ong•atangaha aro ia program-ko ong•atanio, dingtang dingtang porikkarango teng•sugipa sak 203 chatro chatrirangna a•dokni Chief Minister Conrad K Sangma, laptop-rangko on•e, mande ra•pilskaaniko dakangaha.
Ia sak 203 chatro chatrirangara, MBOSE, CBSE aro ICSE-ni Class 10 aro Class 12 porikkarango nambatgiparang ong•e chu•sokgiparang ong•a aro uamangoni sakgnide, be•enni gita cholgri ong•gipa ong•a.
Ia award ba boksisrangko on•anganio a•dokni Chief Minister, jinmana aganprakangengon, ia laptop-rangara boksismangmangsan ong•aija indiba ian chatro chatrirangni chu•sokgipa ong•anio sorkarini ka•donganiko mesokaniba ong•enga ine aganaha. Technology-ko jakkale, Meghalaya a•dokni dal•roroanio on•gilpaengon, a•gilsakni cholrangkoba ra•china gita Chief Minister, chatro chatrirangko didiangaha.
Pennsylvania-ni Wharton School-o poraiani ja•man an•tangni tikkelbaaniko gisik ra•atpilengon, skango chatro chatrirangna maming cholrang dongjani giminsa da•alo sorkari, bading chiwalani, changa sapani aro u•i-ma•sianirangko nambatatna gisik on•na a•bachengaha ine Chief Minister parakataha.
Ia tom•anio a•dokni Education Minister Lahkmen Rymbui-ba jinmana aganprakangengon, ia gital chasongo, digital literacy ba technology-ko ma•sie ra•aniara baseani chol ong•jaha indiba mongsonggipa bakan ong•aha ine parakataha.
2013 bilsionin Meghalaya a•doko UPSC Civil Service porikkao chu•sokanirang komiroroangahani gimin an•tangni suk ong•gijaniko parakatengon, mikkangchi a•songo nambatgiparang ong•na gita tikkelchina Education Minister, chatro chatrirangko didiangaha.
Na·simang iakoba nina man·gen:
Na·simang iakoba poraina man·gen: Assam election-na PM Modi campaign ka•na a•bachenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
