Guwahati, Apr 10: Bristibar salo ong•atanggipa Assam Legislative Assembly election-o Bharatiya Janata Party (BJP) chegipa ong•gen ine Sukrobar salo, BJP Assam-ni state president Dilip Saikia, an•tangni ka•dongchakenganiko parakataha.
Iani bidingo kobor ra•timgipa manderang baksa agangrikengon, Assam Assembly election-o bang•bea manderangni pu•onanio bak ra•aniara, manderangni a•songna on•gimin bilo bebera•aniko mesokani ong•aha ine Saikia aganaha.
Batanggimin bilsirango Assam-o songdongenggipa manderangni election-o bak ra•ani tang•dobaroroaniara, manderangni a•songko rikanio gisik nangbataniko aro on•kanganiko mesokani ong•a ineba ua aganaha.
Election-o manderangni gisik nangbee bak ra•aniara, BJP-ni sorkariko chalaianio aro namroro silroroanina kam ka•anio chakpaaniko mesokanian ong•a ineba BJP-ni state president aganaha.
Ia election-o Congress dol, dingtang dingtang kamrangchi aro kattarangko aganachi, manderangko dilsretna jotton ka•aha ineba Saikia, Congress dolni dilgipa Pawan Khera-ko matnangataha.
Party-ni am•sandie man•ani gitade, Assam-ni bang•a constituency-rangon bang•bea manderang pu•onahani gimin BJP chepiltaiani cholrang donga ineba Saikia a•kangataha.
Assam-ni manderang BJP-o ka•donganiko mesokahani gimin ia election-ni result-rangko parakatahaon uamang chegipa ong•gen ineba BJP-ni state president aganaha.
Na·simang iakoba nina man·gen:
Na·simang iakoba poraina man·gen: SSLC Topper-rangna CM mande ra•pilskaaniko daka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
