Shillong, Apr 10: Ia 2026 bilsini Secondary School Leaving Certificate (SSLC) porikkao, Khasi aro Jaintia Hills a•jarangoni Top 20-o chu•sokanggipa chatro chatrirangna Sukrobar salo, Meghalaya a•dokni Chief Minister Conrad K Sangma, mande ra•pilskaaniko dakangaha aro ia program-ko ong•atanio, a•dokni Education Minister Lahkmen Rymbui, Education department-ni Commissioner & Secretary Vijay Kumar Mantri, ma•a paarang, skigiparang aro official-rangba dongpae bak ra•angaha.
SSLC porikkao name dakahani gimin chatro chatrirangna an•tangni namgipa skaniko on•angengon, adita bilsirangna skangsan SSLC porikkao pass ka•giparang namen komiachim aro iana ua suk ong•jae, kamrangko rakbate ka•na a•bachengaha ine Chief Minister aganaha.
Da•o SSLC porikkani result-rang namrorona a•bachengengaha ine an•tangni kusi ong•aniko parakatengon, mikkangchi lekka porao dingtanganiko ra•bana man•gnok ine Sangma, an•tangni ka•dongchakenganiko aganaha.
Garo Hills-ni topper-rangko mande ra•pilskana gita apsan dakgipa program-ko re•baenggipa April-ni 18 tariko, Tura-o ong•atanggen ineba Chief Minister parakataha.
Chatro chatrirangni kamna mittelpilskana gitasa ia program-ko ong•atenga ine janapatengon, mikkangchiba bimchipe poraiangkuchina gita Chief Minister, chatro chatrirangko didiangaha.
Na·simang iakoba nina man·gen:
Na·simang iakoba poraina man·gen: Lumpongdeng Island-o nokrangko rikkamjawa: Tourism dept
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
