Shillong, Apr 10: Gital kulina miksongenggipa Taj Umiam Resort aro Spa-na Meghalaya State Pollution Control Board (MSPCB)-ni on•gipa Consent to Establish (CTE)-ara dikdiksana on•gipa lekkarangsan ong•aia aro Umiam-ni Lumpongdeng Island-o nokrangko rikkamna man•jawa ine Meghalaya Tourism department, talataniko on•angaha.
MSPCB-ni talataniko on•ani gitade, sorkarini songgigrikanion Lumpongdeng Island-o nokrangko rikkamnade on•ani dongja aro ia niamon pangchake, bon•kamgipa Detailed Project Report (DPR)-ko Tourism department nipiltaienba ra•chakani ja•mansa ia project-ko jako ra•na on•gen.
Umiam wari jolrango hotel-rangko rikanichi samtangtango ong•telaigiparangna nangchakeaniko ra•bagen ine manderangni kenchaktokengani gimin talataniko on•angengon, Taj Umiam Resort aro Spa project-ni ning•o Umiam-ni Lumpongdeng Island-o nokrangko rikkamna on•jawa ine Tourism department parakataha.
Ia five-star luxury resort-ko Orchid Lake Resort dakenggipa biaposa rikgen aro Lumpongdeng Island-ode rikjawa ineba department, talataniko on•angaha.
Lumpongdeng Island-o nokrangko rikkamna on•jana gita tender lekkarangko on•na skangan 2025 bilsini July 8 tariko, Chief Minister-ni dilanichi Empowered Group of Ministers (EGM)-ni tom•anion ra•chakangaha ineba department, talataniko on•aha.
Na·simang iakoba nina man·gen:
Na·simang iakoba poraina man·gen: Taj Resort-ko Orchid Umiam-ni biapon kuligen: CM
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
