Shillong, Apr 10: Gital kulina sienggipa Taj Resort aro Spa-ko, da•o dakenggipa Orchid Umiam-ni biapon kuligen ine Sukrobar salo, Meghalaya a•dokni Chief Minister Conrad K Sangma parakataha.
Chief Minister-ni parakatani gitade, tourism-ko tang•doatna gita hotel-rangko aro five star hotel-rangko rikdapna nanga aro iandakgipa kamrangoniko manderang namgnirangko man•na gitade, homestay-rangkoba kuliatna nanga.
Umiam-ni Lumpongdeng Island-o Taj Resort aro Spa-ko kulina sienga ine dingtang dingtang dolrangni jegalenggipana aganchakaniko on•atengon, sorkarini soi ka•gipa Memorandum of Understanding (MoU)-on Lumpongdeng Island-o nokrangko rikkamna man•jawa ine janapani gnang aro ia chichangode nokrangko dikdiksa somoirangnasan rikna on•aigen ine Sangma talataniko on•angaha.
Jolo songdongenggipa manderangna namgnirangko on•na sorkarini miksonganirangko talate on•angskaengon, a•doko five-star hotel-rangko nanga indiba jolo songdongenggipa manderang namgnirangko man•na gitade chonchongipa restaurant-rangko aro homestay-rangkoba nangenga ine Chief Minister parakataha.
Meghalaya a•doko da•o dam 800-mangni gita homestay-rangko rikengaha aro re•baenggipa bilsirangoba dam 3000-mangni gita homestay-rangko rikna miksonganirang donga ineba Sangma aganaha.
Na·simang iakoba nina man·gen:
Na·simang iakoba poraina man·gen: Shillong LS Seat-na gipin dolrang baksa bakrimjawa ine NPP parakata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
