Boko, August 28: Budbar salo Boko Chaygaon Co-District-ni ning•o donggipa Upper Lampi-o so•sojengjeng ong•anirangko nikna man•aha. Ia kajia-golmalrangara Assam-Meghalaya sima ari-ni sepangjolo Assam sorkarini sorokrangko tariani kamrangko ka•aniko Meghalaya-na chakgipa dolrangni champengani ja•mano a•bachengaha.
Koborrangko man•soani gitade Budbar pringo, Boko-oni Upper Lampi-ona dakanggipa rama dilsamangmang donggipako nosto ong•aniko champengna culvert-ko tarina ine kam ka•giparangko rimbaaha aro bosturangko ra•baaha. Indiba, Meghalaya-na chakgipa adita dolrang kam ka•gipa manderangko champengaha aro watatpilaha. Boko-oni sima ari-ona dakanggipa km 40ni ramako adita bilsirangna skang Assam sorkari tariahachim indiba ua jolo songdonggipa Khasirang ua biapko Meghalaya-ni ine a•kangengkua.
Khasi dolrang baksa Meghalaya police-ba kam ka•anirangko champengaha ine kam ka•gipa Gopal Sharma aganaha. Una agreba, sorok sepango wa•sechi rike donchenggipa nokkoba u•ina man•gijagipa manderang pe•e galangaha ineba ua agandapaha.
Ia biap-ara Assam Police-ni Upper Lampi border outpost-oni kilometre sa-ni gitasan ong•aia indiba ua jolo songdonggipa Khasirang uko Meghalaya-ni West Khasi Hills a•jani ning•o ong•a ine a•kangenga. Ia obosta ong•ani ja•mano, Boko Police, magistrate saksa, aro Public Works Department-ni (PWD) manderang ua biapona re•angaha. Meghalaya Police-ba Sub-Inspector B. Diengdoh-ni dilanichi sokbaaha aro Assam-ni officialrang baksa kajia ong•e uamangko a•rikataha. Ia obosta ong•anio magistrate-ko mande ra•gijaniko dakaha ineba koborko man•aha.
Indake ong•genchimoba, obostako ja•mano namatpilaha aro sorok taridapaniko matchotatna dilgiparang baksa agangrikanirangko dakgen ine Magistrate Raben Deori aganangaha. Kompadoli songoni Upper Lampi songona km 23 ong•gipa a•briraragipa ramako State Disaster Response Fund-ni ning•o pakmarangko gatdoe, nalarangko cho•e, aro culvert-rangko tarie namdapatenga ine PWD-ni engineer Manik Dutta aganangaha.
Indake ong•engon, Lampi jolo kajia-golmalrang da•oba ong•engkua. November 2021-o, a•dok damgnini skotong minister-rang Dr. Himanta Biswa Sarma aro Conrad K Sangma, minister-rang aro officialrang baksa Lower Lampi-o gronge sima ari-ni kajia-golmalrangni bidingo agangrikanirangko dakangaha. Kajia-golmal dongako sandie man•gipa dam-12 biaprangoni, damdok-ode kajiarangko namataha indiba gipin biaprango uarangko namatna man•kujaenga.
Na·simang iakoba nina man·gen:
Na·simang iakoba poraina man·gen: Tripura-ni pilak panchayat-rango AI-technology-ko jakkalgen ine Minister Kishore Barman parakata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
