Dibrugarh, Aug 20: Ministry of Chemicals and Fertilizers, India sorkari-ni ning•o chalaienggipa Brahmaputra Valley Fertilizer Corporation Limited (BVFCL), National Seed Centre (NSC), Ministry of Agriculture, Royal Government of Bhutan baksa fertilizerrangko bading-chiwalna bilsi bonga-ni Business-to-Business (B2B) ku•chakgrikaniko soi ka•grikaha.
Iano ku•chakgrikani gitade, BVFCL Urea, Suphala (NPK), SSP, MOP, aro Borax-ko Bhutan-ona somoi gita watate, uamangni ge•a-gamanirangko namdapatna aro cha•anirangko bang•bate man•atna dalchakgen.
Ia soi ka•aniko a•song damgnini dilgiparangni mikkango Siliguri-o August 18 tariko dakaha.
Ia tom•anio mombatirangko so•e, u•i-ma•siani chinko mesokna, gitalgipa re•mikkanganiko dakna aro bakrime silroro-namroroaniko ra•bana ja•ku de•aniko mesokaha.
Royal Government of Bhutan-oni, Department of Agriculture-ni Director Yonten Gyamtsho; National Seed Centre-ni Program Director Deepak Rai; aro NSC-ni Senior Store Manager Sonam re•bae ia tom•anio bak ra•angaha.
Uandake BVFCL-oni General Manager (Marketing) Satyajit Mishra; Senior Managerrang – Chandragupta Kakati aro Sunil Kumar Tripathi; Deputy Manager Romi Chakravorty; and Assistant Manager Devendra Singh Rajawat bak ra•angskaaha.
“Ia ku•chakgrikaniara a•song damgnini gisepo bakrimani aro ge•a-gamanio namdapatanirangna BVFCL-ni on•kange kam ka•anirangko mesoka. Namgipa rokomni samrangko somoi gita on•e a•songo ge•a-gamaniko namdapatna chinga Bhutan bakra bakrimna namen kusi ong•a,” ine BVFCL-ni General Manager (Marketing) Satyajit Mishra aganangaha.
Ia bakrkmaniara India aro Bhutan-ni gisepo bakrimanirangko bilakbatata, mongsongbate ge•a-gamanirang aro uandakgipa kamrango, aro mikkangchi fertlizerrangko badingani aro cha•anirangko man•anio bang•a namdapatanirangko ra•bagen ine niksamsoenga.
Na·simang iakoba nina man·gen:
Na·simang iakoba poraina man·gen: NGH-o Free Health Camp-ko ong•ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
