Guwahati, Dec 14: Assam a·doko bilsi 200-mangna maming ka·dongani gri, cha baganrango kam ka·e cha·enggiparangna a·a pattarangko on·na gita Assam sorkari, Assam Fixation of Ceiling on Land Holding (Amendment) Bill 2025-ko pass ka·aha.
Ia Bill-ko pass ka·ahani gimin da·o ia karkana dake jakkalenggipa cha baganrango, kam ka·e cha·enggipa manderang, an·tangtangni a·arango gitan songdongpana man·gnok indiba Assam sorkarini tik ka·gimin gita ia a·arangko bilsi 20-nade sakgipinrangni bimingo apjitna man·kujawa.
Ia kamrangko Assam sorkari, ia 2025 bilsini December jaonin a·bachengengaha.
Iani bidingo jinmana parakatani ja·man, Assam a·dokni dingtang dingtang cha baganrango kam ka·e cha·enggipa manderang, Assam sorkarini kamko mittelpilangtokaha aro iana kusi ong·aniko mesokna gita bang·bata cha baganrangon, chrok mesaanirangko ong·atangaha.
Assam a·dokni Labour Welfare Minister Rupesh Gowala-ni kobor ra·timgiparangna aganani gitade, adita salrangna skangsan ua, Dibrugarh a·jani dingtang dingtang cha baganrangona re·ange, cha bagano kam ka·e cha·enggipa manderang baksa agangrikeaha aro ia biaprango songdongenggipa bang·bata manderangan, gipin a·dokrangonisa re·bae kam ka·e cha·giparang ong·ani gimin bilsi 200-mangna ia manderang, a·a aro nok-jam gri ong·e songdong a·chatokna nangengachim ine ma·sina man·aha. A·a aro nokni nokgiparang ong·na chol dongjae, ia cha bagano kam ka·enggipa manderang, kamoni neng·takna nangahaon, an·tangtangni dongchakenggipa quarter-rangko wate on·na nangrongaiani gimin bang·en neng·nikanirangko chagrongna nangrongachim ineba Gowala aganaha.
Assam Fixation of Ceiling on Land Holding (Amendment) Bill 2025-ko pass ka·e da·o sorkarini a·arangko cha baganrango kam ka·giparangna on·na man·aha ineba Minister parakataha.
Assam sorkarini iandake dongchakani biaprangko on·ahani gimin cha baganrango kam ka·enggipa manderangba kusi ong·aniko paraktokaha.
Na·simang iakoba nina man·gen:
Na·simang iakoba poraina man·gen: Shillong-o ong·atgipa 5-gipa Assam Rifles Half Marathon-o sak 3,000-na bate katsusagiparang bak ra·anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
