Guwahati, June 29: Assam-ni Dhemaji a•jao chi bananio rel garirangni re•gipa dolongrango chi primpahani gimin, Murkongselek oni Silapathar re•ruragipa rel -gari re•aniko dontongatchengenga, ine Northeast Frontier Railway (NFR), Sombar salo parakataha.
110 mm ong•pile mikka jime waanganichi, Archipathar aro Simen Chapari station-o chi banangenba dolongni krong ge•sako nosto ong•atangaha.
Rel garirang da•onade Silapathar-ona san re•chengaignok indake manderangko Silapathar-oni Murkongselek-ona salrurana gita bus-rangko tik ka•e donaha. Relrang chi bananichi nosto ong•atako man•aha indiba darangba saknaako man•gipa dongja, ine official-rang u•iataha. Dhemaji, Silapathar aro Murkongselek station-o manderangna dakchakanirangko on•na gita Help desk-rangko donaha.
Dhemaji-o chi bananirang bilongkuenga, indake ua jolni wilwilao donggipao sak 2,359 bi•sarangko man•chape sak hajal 15,483 manderang neng•nikanirangko man•angaha, Jonai-o 1,263 hectares game ge•e cha•gipa a•arangko chi pripaha aro mang hajal 43,000 matburingrangba nangchakeaniko man•aha.
Chi bananio janggitangko gimaatgipa dongjagenchimoba, bang•a manderangni gam jin, Kemi chibimani 300-metre ong•e rogipa iron -ni dolong manpakangaha aro adita jolrango re•na dona mandikanirangko man•ataha.
Na·simang iakoba nina man·gen:
Na·simang iakoba poraina man·gen: Arunachal-o chi bananio naljokatenggipa ring-ko man·pakangani a·sel sak 9 manderang gimaenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
