Guwahati, Apr 6: April-ni 9 tariko ong•atenggipa Assam Legislative Assembly election-na dingtang dingtang political dolrang, candidate-rang aro election official-rang, jakchakpilgija kamrangko ka•chichasotokengon, Guwahati aro a•dokni dingtang dingtang biaprango, Rongali Bihu-ko maninaba tarisamsotokengaha.
Assam a•doko dal•batsranggipa maniani Rongali ba Bohag Bihu da•o sepangbaengahani gimin dingtang dingtang biaprango bi•sarang aro chadamberang, Bihu dance workshop-rangko bak ra•e, chrokaniko skie ra•sotokengaha.
Chadamberang, Assamese-rangni daka rikanirangko skie ra•na man•na gita Guwahati songjinmani dingtang dingtang biaprango, Bihu dance workshop-rangko a•bachengataha aro bang•a chadamberangan, ia workshop-rangko donge skie ra•tokenga.
Chandmari Engineering Field-oba apsan dakgipa workshop-ko Pub Guwahati Bihu Sanmilani ong•atenga aro ia workshop-ko March 30 tarikoni a•bachengate, April 10 tarikona ong•atenga.
Ia workshop-ko ong•atani bidingo Pub Guwahati Bihu Sanmilani-ni president Simanta Thakuria, kobor ra•timgiparangna talate on•angengon, ia bilsio uamang chang 65-gipa Rongali Bihu-ko manienga ine parakataha. Ia dolko bikotani miksonganiara, cultural program-rangko ong•atanisan ong•ja indiba Assamese-rangni Bihu chrokaniko tange rakkiangna gita chadamberangna skie on•aniba ong•a ine Thakuria aganaha.
Uamangni ong•atenggipa training program-o da•o sak 500-na baten chadamberang, biming segate skie ra•enga ineba ua aganaha.
Assamese film-o kal•gipa actress Nishita Goswami-ba ia workshop-ona re•ange nieaha aro Bihu chrokanio bang•a bi•sarangni gisiko nange skie ra•engako nike an•tangni kusi ong•aniko parakataha.
Ia training program-o bilsi gittam ong•gipa bi•sarangoni taltalan skie ra•enga ine ia workshop-o skie on•enggipa Drimli Gogoi parakatskaaha.
Na·simang iakoba nina man·gen:
Na·simang iakoba poraina man·gen: Election affidavit-o chu•gimik gam-jinrangko parakja ine Assam CM-ni kosako Cong badi ka•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
