Guwahati, Sept 18: Assam-ni Motor Parivan Sewakarmi Sanmilita Mancha Bristibar saloni dipet Meghalaya-ni a•palchini garirangko a•dokona napna on•jani gimin All Khasi Meghalaya Tourist Taxi Association-ni (AKMTTA) kosako indefinite strike-ko a•bachengataha.
“90% ong•nasipile tourist-rang Guwahati-ona re•bachenge chingni taxi-rangko para ra•e Shillong-ona re•a. Indiba Meghalaya-ni association-rang chingko jatchigriko dongdipate chingni passenger-rangko rimange, chingni garirangko watatpila. Uamangni indake daka adita jarang ong•engaha,” ine MPSSM-ni member Bipul Kalita parakataha.
MPSSM-ni ning•o bol-50,000 ong•nasipile garirang donga, uandake ia strike Meghalaya-ni tourism-na namen neng•nikanirangko ra•bagen, aro touristrang iani a•sel neng•nikanirangko man•genchimoba, uamangko dakchakna chol dongja ine Kalita agandapaha.
“Gari bolsaba chingko Shillong-ona salna gong•jani a•sel chinga Jorabat-o jachange dongna nangaha. Anga iano senga konta bri ong•engaha,” ine Bristibar salo tourist saksa aganaha.
Uandake, AKMTTA-ni a•dokni a•palni garirangko champengsoaniko namen chanchigijagipa kam ong•a ine MPSSM janapaha.
Ia obostani a•sel songregiparangna jajrenganiko on•aha aro Meghalaya-ni a•palchini re•bagipa tourist-rango pangchake janggi tanggiparangna ru•uta somoirangna neng•nikaniko ra•bagen.
Meghalaya-ona re•bagipa touristrang bang•bataan songreani cholrang aro ramarang nambatani gimin Guwahati gita re•a. Uni gimin songdonggipa manderang aro songregiparang dolgnian ia obostani bidingo a•dok damgnini sorkarirangko ta•rake ja•ku de•china mol•molataha.
“Ia strike-ko ka•angkuode Meghalaya-ni tourism-na namen neng•nikaniko ra•bagen. Dolgni sorkarirangan ia obostako ta•rake namatna nanggen,” ine Jorabat-o songdonggipa Rajen Das minggipa mande saksa aganaha.
Na·simang iakoba nina man·gen:
Na·simang iakoba poraina man·gen: Niam gri napsrukaniko champengna ku•rachakako chu•sokatja ine BJP sorkariko Cong matnanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
