Guwahati, May 27: Dingtang dingtang opposition dolrangni jegalako man•ahaoba Budbar salo, Uniform Civil Code (UCC) Bill-ko Assam Legislative Assembly-o pass ka•angaha aro Assam a•dokba UCC-ko pass ka•gipa a•dokrangoni Goa aro Uttarakhand a•dokni ja•man gittamgipa ong•aha.
Assam a•doko UCC Bill-ko pass ka•ahaoba, salgro salaram a•dokrango dingtang dingtang Tribal jatrangni niam reti aro daka rikanirango pangchake, Tribal-rangkode watskana tik ka•aha.
Assam Assembly-ni Session-o dingtang dingtang dolrang, ding•chaogrike jera ra•ani ja•man UCC Bill-ko pass ka•angaha aro ia Bill-ko pass ka•ani bidingo Assam-ni Chief Minister Himanta Biswa Sarma talataniko on•angengon, UCC-ko ra•gataniara BJP-ni miksongani ong•ja indiba changsao Congress party-ni ra•gatna jotton ka•e chu•sokchipgijako chu•sokatanisan ong•aia ine parakataha.
Indian Constitution-ni Article 44-o pilak a•dokrangkon UCC-ko ra•china ge•etaniko on•aha ine janapatengon, ia bill-ko pass ka•aniara, BJP-ni niksamsogipa miksongarangoni minggittam ku•rachakaniko chu•sokataniba ong•aha ine Sarma aganaha.
UCC-ko Congress-sa ra•gatna chanchichengaha aro Pandit Jawaharlal Nehru-an iako dakdilgipa ong•a ineba Assam Chief Minister parakataha.
Opposition membor-rangni jegalanirangko knachakjahani gimin Trinamool Congress (TMC) MLA Sherman Ali Ahmed-de Assembly-oni ong•kate kataha aro ja•mano ua kobor ra•timgipa manderang baksa agangrikengon, UCC Bill-o bi•sarangko bia ka•atani aro jikgipa saksana bate ra•aniko champenganikode ua an•tangba namnikpaa indiba mitam niamrangde, Islam toromni bebera•ani aro daka rikanio nangegiparang dongani gimin ua ra•chakna man•jaha ine parakataha.
UCC Bill-ni bidingo jera ra•grikengon, ia Bill-ko toromchisa nangatna jotton ka•ahani gimin Congress membor-rangko Assam CM matnangaha.
UCC-ko pass ka•gipa a•dokrangoni Assam a•dokan gittamgipa ong•engaha ine janapatengon, ia Bill-ni mongsonggipa miksonganide, me•chikrangnaba apsan cholko on•anisa ong•enga ine Sarma aganaha.
Tribal-rangde, an•tangtangni daka rikanirangchian apsan dakgipa janggi tanganiko tanga ine janapatengon, UCC-ni ning•o Tribal-rangkode watchanggalenga ine Sarma parakataha.
Na·simang iakoba nina man·gen:
Na·simang iakoba poraina man·gen: Shillong bypoll-na skang Congress nokantiona re·ange campaign ka·anio ka·dongenga: Pala
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
