Guwahati, April 7: Manderangni tangkako ra·seke ra·gipa cha·ukrokrangni kosako rakgipa ja·kurangko de·e am·sandiataniko dakenba, Morigaon police, mija Sukrobar salni bako sakbri manderangko Assam-ni Morigaon a·jaoniko rim·aha aro uamangoniko ge 386 ATM card-rangko man·aha ine koborna parakataha.
A·jani Additional Superintendent of Police (crime) Samiran Baishya-ni dilanichi special team, mija Sukrobar salo Mikirbheta police station-ni ning·oggipa biap damsaoniko chagrope rim·enba, bilsi 27 ong·gipa Masud Ahmed, bilsi 34-ong·gipa Mubarak Hussain, bilsi 29-ong·gipa Saddam Hussain aro bilsi 24 ong·gipa Taskir Ahmed-maang sakbriko rim·aha.
Iani bidingo koborna talatengon, ia manderangni gimin chinga ning·in-ning·in koborko man·soe bakan sandianiko dakatenba uamang sakbriko rim·aha aro uamangoniko ge 386 central Bank-ni ATM card-rangko man·a baksana gong hajal 40,925 nogot tangkarangko aro uamangni jakkalgipa AS 01EY7385 gari bolsakoba sekaha ine parakatenba, rim·ako man·gipa manderango sing·sandianiko dakatani ja·man, ua ATM Card-rangchin Nagaon joloniko tangkarangkoba oke ra·aha ine ma·sina gita man·aha ine Samiran Baishya janapatjolaha.
Da·odipet, chinga uamango a·bachenge sing·sandianiko dakengpiti ine aganangkuengon, badia biaprangoniko uamang, ua ATM card-rangko chimongahachim sandianiko dakatenga aro ru·utgijan chinga ia mamlani chu·gimikko ma·sina gita man·gen ineba a·jani Addl. SP agandapataha.
Iakoba poraie nina man·gen: M’laya a·dok gimikon Good Friday-ko manianga
