Guwahati, Sept 01: Assam sorkarini a·kangenggipa chibol, Silsako Beel-o niam gri nok-jamrangko rike songdongenggipa nokking 250-ko Guwahati Municipal Development Authority (GMDA)-ni pe·rurue galanina Sukrobar salo, uanoni me·chikmarang an·tangtangni ba·ra-kancharangko tong·sa chitenba Guwahati-o jingjengatangaha.
Administration-ni nok-jamrangko pe·e galani gimin salni bako sak 1000 mang jingjengatgiparang aro chel·chakgipa dolrangni gisepoba adita nanggrikangaha.
Official-rang, iani bidingo uanoni manderangna biapko wate katchina gita u·iatsamsoaniko dakaha ine u·iatangengon, Assam sorkari uamangna damgipin biapko tarie on·a dongjani gimin noktangtangko wate bachi katgen ine ua biapo songdonggiparang a·kangtokskaaha.
Niam gri songdonganina administration, manderangni nokrangko pe·ani gisepon, jingjengatgipa me·chikrang uamangni noktangtangko jedakeba wate katna sikgijaniko parakangenba, an·tangtangni gangipa ba·ra-kancharangko chite sorkarini kosako raken jegalenganiko kamchi mesokangaha aro ua somoio police-rangni champenganikoba uamang manina jechakangtokaha.
“Chasongna chinga ia biapon nok-jamko rike dongbaaha, iani gisepon a·dok sorkari da·o noktangtangko wate katchina gita chingko ge·etenga, chinga bachi katkugen, ine Silsako-oni a·gipi songdonggipa saksa koborna aganataha.
Assam, Guwahati-o donggipa Silsako Beel—o songdonggiparangko a·rikani bidingo batanggimin somoio Assam Human Rights Commission (AHRC)-ni sandirokatchina ge·etani gimin Kamrup-Metro district administrarion, magistrate-chi sandiataniko dakchina gita ge·etanikoba on·ahachim ine nikatna gita man·gen.
Iakoba poraie nina man·gen: Synjuk Waheh Chnong Jowai, a·jao kulidaldalgipa MCH hospital-ko nirokanga
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
