Shillong, Jan 1: A·chikrangoni skanggipa Meghalaya Public Service (MPS) Officer ong·chenggipa aro gitcham Inspector General of Police (IGP) Skylance G Momin, bilsi 82 ong·o a·gilsakko watangaha. Meghalaya a·dokni Skotong Minister Conrad K. Sangma, Momin-ni sianina kalimpaaniko on·atengon, songsalni namgnina aro Garo Hills-o tom·tomaniko ra·baanio uni on·gilanirangna pangnan uko gisiko ra·kamgen ine aganangaha.
Iani gisepon, ua A·Chik Liberation Matgrik Army (ALMA) dol baksa ceasefire ba Adil mittugrikaniko ong·atna mongsonggipa dakchakaniko on·e, ru·uta somoirangna jolo songdonggipa manderangna tom·tomaniko ra·bana dakchakaha ineba Sangma janapataha.
Skylance G Momin, Police-ni kamko ka·ana agreba, ua saksa songsalni namgnina aro jatni dakbewal rikbewalrangko ripingani kamrangnaba gisiko nanggipa ong·achim. Ua 100 Drums Wangala Committee-ko a·bachengatna dakchakaniko on·an baksana Nokma Council-ni President ong·e kamrangko ka·anga jaman, Garo Hills-o songdonggipa nokmarangni bilrangko naljoke rakkina gita Council of Nokmas-ko a·bachengate on·angaha. Ua Nokma system-ko mangrakbatatna aro Garo Hills gimiko Nokma Kachari-ko rikna a·dok sorkarina dakchakaniko on·a kamrangkoba ka·angaha.
Kamoni neng·taka jamanba ua dingtang dingtang mongsonggipa gadangrango donge jinmana dangdike on·angkuaha. Ua State Development Reforms Commission-ni Vice-Chairman ong·an baksana State Level Programme Implementation and Monitoring Committee-ni member aro West Garo Hills-ni District Legal Services Authority-ni Non-Official Member-ba ong·angaha.
2014 bilsio ua songsalna dangdike on·anina Pa Togan Sangma Award-koba man·angaha. Skotong Minister Conrad K. Sangma, Momin-ni janggi tanga gimik tom·tomanina, songsalni namgnina aro A·chikrangni dakbewal rikbewalrangko ripinge rakkina ka·anggipa kamrangko pangnan gisik ra·kamgen ine aganangaha.
Na·simang iakoba nina man·gen:
Na·simang iakoba poraina man·gen: Bilsi Gitalko ga·dapnasiengon Boko-o picnic cha·e nisengsotoka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
